ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 июля 2015, 10:38

Уматык сыаната ыарахана отчуттарга кыһалҕаны үөскэтэр


Мэҥэ-Хаҥалас улууһун Томтор нэһилиэгэ быйыл 1068 тонна оту оттуур былааннаах. Билиҥҥитэ сүүстэн тахса тонна от кэбиһиллибит.

Нэһилиэк баһылыга Мирон Свинобоев иһитиннэрэринэн, өрүс арыыларыгар от үүнүүтэ мөлтөһүөр эбит. Ол эрээри былааны толорорго эрэллээхтэр. Хаһаайыстыбалар «Туймаада-нефть» тэрилтэни кытта дуогабардаһан уматыгынан хааччыллыбыттар.

Өрүскэ уу түһэн, оломнорунан туораан, ходуһаларыгар парому эҥин туһаммакка, кыһалҕаны көрсүбэтэхтэр. Кэлиҥҥи кэмҥэ уматык сыаната ыараабыта кырыымчык үптээх-астаах дьоҥҥо эрэйи үөскэппит.

«Томтор» хаһаайыстыба (салайааччы Иван Пономарев) 40-чэ сүөһүлээх. Быйыл Күтэрдээх сайылыкка нэһилиэк хаһаайыстыбаларыттан ынахтары ылан ыыллар. Маннык маассабайдык аан бастаан тэриммиттэр. Кыаллар буоллаҕына, аны кыһын кыстатар былааннаахтар.

Томтордор үүттэрин быйыл «Хоту» ТХПК кытта дуогабардаһан туттара сылдьаллар. Сайылыкка ыанньыксыттарынан Татьяна, Павел Лыткиннар, Раиса, Кирилл Ивановтар үлэлииллэр, Василий Оконешников бостууктуур. 135 700 л үүтү ыыр былааннаахтар. Күннэтэ Николай Макаров үүтү массыынатынан илдьэр.

 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 890 Источник: ЯСИА Автор: Марфа Птицына Изображение: Интернеттэн ылылынна Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ