ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
15 декабря 2015, 17:10

Намҥа Хорсун быһыы скверэ аһылынна


Ахсынньы 9-гар Россияҕа Аҕа дойду Геройдарын күнэ бэлиэтэммитэ. Бу күҥҥэ сөп түбэһиннэрэн ахсынньы 12 күнүгэр Намҥа хорсун быһыыны үйэтитэр сквер үөрүүлээх аһыллыыта буолла. Манна ытык иэстэрин толоро сылдьан олохторун толук уурбут биир дойдулаахтарбытын ахтан санаан аастыбыт.

photoByWidth&id=52186&width=1000

Өйдөбүнньүк сквергэ хорсун быһыыны оҥорбут Васильев Петр Петрович, Уус-Майаттан төрүттээх полиция майора, «Эр санааланыы» уордьан кавалера; Иванов Леонид Семенович, Нам, милиция капитана; Москвитин Альберт Афанасьевич, 1 Хомустаах, милиция рядовойа; Ильин Максим Климентьевич, 2 Хомустаах, Чечня сэриитин кыттыылааҕа, «Эр санааланыы» уордьан кавалера; Бубякин Айтал, Нам; Касьянова Изольда, Аппааны ааттара суруллан үйэтитилиннэ.

photoByWidth&id=52185&width=1000

Сквер үөрүүлээх аһыллыытыгар полиция үлэһиттэрэ, хорсун быһыыны оҥорбуттар төрөппүттэрэ, аймахтара, кэргэттэрэ, улуус уонна нэһилиэктэр дьаһалталарын, тэрилтэлэр салайааччылара муһуннулар. Үгэс быһыытынан аалай кыһыл лиэнтэни «Нам улууһа» МТ баһылыга Александр Атласов, «Ленскэй нэһилиэк» МТ баһылыга Андрей Новгородов уонна СР ИДьУО ветерана Егор Васильев быһа кырыйдылар, венок, сибэкки дьөрбөтүн уурдулар. Эр санаалаах дьон сырдык ааттарын биир мүнүүтэ чуумпуран кэриэстээтилэр, автоматынан салют ыттылар.

Сквер инникитин дьон-сэргэ сөбүлээн сылдьар кэрэ-бэлиэ миэстэтинэн буолуоҕа.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 795 Источник: ЯСИА Автор: Семен Аргунов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ