- Саҥа нүөмэргэ прозаны таптааччылар классик суруйааччыбыт Былатыан Ойуунускай «Александр Македуонускай» диэн аатырбыт кэпсээнин ааҕан, улуу полководец олоҕун, тыйыс дьылҕатын уонна экономическай наука доктора Эдуард Ефремов-Дэхси «Уктаа Дьаарын» диэн Тыгын Дархан аймаҕа Уктаа Дьаарай туһунан бэртээхэй романын кытта билсиэхтэрэ.
- Ааптардарбыт Марфа Соловьева ааҕааччыны долгутар «Хара көстүүм уонна холорук» диэн уонна Долун хорсун, булугас өйдөөх, түөрт саастаах «Сайыыны кыыс» кэпсээннэрин сэҥээрэн ааҕыахтара. Долун уон икки күн устата муна сылдьыбыт кыысчаан мүччүргэннээх сырыыларын итэҕэтиилээхтик арыйан сэһэргиир.
- Поэзияны сөбүлээччилэр айылҕаттан талааннаах Уостумааны иһирэх иэйиилээх хоһооннорун астына-дуоһуйа ааҕыахтара, Чигди одатын кытта билсиэхтэрэ
- Литература сылын чэрчитинэн Дьокуускайга ыытыллыбыт Россия Суруйааччыларын сойууһун пленуму сырдатар араас ыстатыйалар бэчээттэннилэр.
- «2015 сыл – Саха Республикатыгар Предпринимательство сыла» рубрикаҕа Иван Осипов Амма улууһун бочуоттаах олохтооҕо, республикаҕа биллэр урбаанньыты, меценаты Руслан Федотовы кытта кэпсэтиитин ааҕыаххыт.
- Ааҕааччы «Очерк уонна публицистика», «Биһиги юбилярбыт», «Россияҕа Литература сыла», «Улуу Кыайыы 70 сыла», «К.Н. Дьячковскай-Туйаарыскай 100 сыла» рубрикаларынан тахсыбыт матырыйааллартан Николай Калитин туһунан үөлээннээхтэрин ахтыыларын, Макар Хара, Семен Никифоров уо.д.а. фронтовик суруйааччылар олохторун араас түгэннэрин кытта сиһилии билсиһиэххит.
- Бу нүөмэри Уйбаан Ойуур хаартыскалара, иллюстрациялара уонна «Бичик» кинигэ кыһатын рекламалара киэргэтэллэр.
- «Хас биирдии саха ыала ууруна сылдьан ааҕар «Чолбон» сурунаалга сурутуо. Сахалыы тыын, сахалыы эйгэ кэҥээн-тэнийэн барыытыгар дьоһун кылааккытын киллэрсиҥ!» -- диир сурунаал кылаабынай редактора Данил Макеев.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети