ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
28 июля 2015, 16:04

«Тааттаавтодор» «Халыма» массыына суолун өрөмүөннүүр


«Тааттаавтодор» аһаҕас акционернай тэрилтэ (салайааччы Иван Бочонин) «Халыма» федеральнай массыына суолун улахан учаастагын төгүрүк сыл көрөр-истэр, оҥорор, өрөмүөннүүр биир бөдөҥтэрилтэнэн буолар.

photoByWidth&id=40736&width=1000

Томпо улууһугар былырыыҥҥыттан улуус киинэ Хаандыга бөһүөлэгин уонна сүрүннээн суол тутааччылар олорор Теплай Ключ сэлиэнньэлэрин икки ардыгар икки учаастакка өрөмүөн үлэтин ыытар.

Кылаабынай инженер А. Николаев иһитиннэрэринэн, 451-460 км учаастакка суолу кэҥэтэргэ 5600 куб. м буору, ол үрдүнэн 27400 куб. м бытархай таас уонна кумах булкадаһыгынкуппуттар. 29 суол бэлиэтин уонна 60 сигнальнай остуолбалары туруорбуттар. Эргиирдэргэ суол ыраахтан үчүгэйдик көстөрүгэр барыта 2,8 га иэннээх суол кытыытынааҕы сир талаҕын кэрдибиттэр. Бу учаастакка үлэ сүрүннээн бүппүт, анал госкомиссияҕа туттараары бэлэмнииллэр.

Билигин 460-465 км учаастакка үлэлии сылдьаллар. Манна 48411,80 куб. м буору, 9807 куб. м бытархай таас уонна кумах булкадаһыгын, суолга буор бурҕайбатын диэн үөһэ өртүгэр хлористай кальцийыкутуохтаахтар, 34,65 п.м уу аһардар икки тимир гофрированнай турбалары ууруохтаахтар, 10 суол бэлиэтин уонна 36 сигнальнай остуолбалары туруоруохтаахтар. 

photoByWidth&id=40737&width=1000

Биригээдэ 29 техникалаах, ол иһигэр иккилии погрузчигы, ДЗ-98 автогрейдеры, SD-16 бульдозеры, ДОСАН экскаваторы, катоктары, 8-тыы КамАЗ массыынаны уонна кытай самосвалларын, биир германскай бытарытар-суортуур оборудованиены, анал автозаправщигы уонна трал-полуприцебы үлэлэтэр. Учаастак начальнига Иркутскайдааҕы государственнай техническэй университеты бүтэрбит, массыына уонна аэродромнар суолларын оҥорууга специалист Егор Харайданов, биригэдьиир - суол оҥоруутугар 20-тэн тахса сыл үлэлээбит Андрей Мосоркин. Биригээдэҕэ таатталар эрэ буолбакка, Томпо улууһун Мэҥэ Алдан нэһилиэгин дьоно үлэлииллэр.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 764 Источник: ЯСИА Автор: Евдокия Неустроева Изображение: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ