«Дьиэ кэргэҥҥэ иитиигэ барбыт 6,5 тыһыынча оҕоттон 4,5 тыһыынчатын оҕо дьиэлэригэр төттөрү төннөрбүттэр. Бу бүтүн Россиятааҕы даннай.Оҕону төннөрүү төрүөтэ араас. Сыыппара сытыы чахчыларыгар да көстөрүнэн, оҕону иитэ биэриэх иннинэ төрөппүттэри педагогическай, медицинскэй, психологическай өттүнэн күүскэ бэлэмниэхтээхпит», - диэтэ Елена Байер.
Россияҕа оҕо дьиэлэрин сабыы, оҕо бэйдиэ, ускул-тэскил сылдьарыгар тиэрпитин кини чиҥэтэн эттэ. «Ростовскай уобаласка 2011-2015 сылларга иитигэ бэриллэн баран оҕо дьиэлэригэр төттөрү аҕалыллыбыт оҕо ахсаана 50 бырыһыаны ылар. Онон, оҕо төрөөбүт дьиэ кэргэнин хара тэриллиэҕиттэн харыстыахтаахпыт, тыҥааһыннаах быһыы-майгы үөскээбит буоллаҕына, эргиччи көмөлөһүөхтээхпит», - диэтэ кини.
«Матери России» хамсааһын Саха сиринээҕи салаатын чилиэнэ, юстиция госкэмитиэтин салайааччыта Сардана Гурьева өрөспүүбүлүкэҕэ оҕо, оҕолоох ыал сокуонунан көмүскэллэрин туһунан мустубут дьоҥҥо кэпсээтэ.
Бүтүн Россиятааҕы хамсааһын Приморскайдааҕы президиумун чилиэнэ, «Семейный советник» сурунаал кылаабынай эрэдээктэрэ Галина Курносенок тыыннаах төрөппүттэрдээх эрээри, кэккэ төрүөттэринэн тулаайах хаалбыт оҕолор кыһалҕалара Россия регионнарыгар барыларыгар майгыннаһарын бэлиэтээтэ. Кинилэр кыраайдарыгар 13 тыһыынча тулаайах оҕоттон үксэ төрөппүттэрдээх оҕолор. «Самараҕа дьиэ кэргэн, демография политикатын министиэристибэтэ көдьүүстээхтик үлэлиирин түмүгэр бу куоракка оҕо дьиэтэ диэн билигин суох”, - диир кини. Салгыы кини дьиэ кэргэн политикатын атыттартан арааран, туспа хайысха быһыытынан тутар эргиччи ордугун бэлиэтээтэ.
Төгүрүк остуол түмүгүнэн былаас уорганнарыгар туһуламмыт рекомендациялары ылыннылар.
Комментарии
Авторизация на сайте через социальные сети