ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
26 ноября 2015, 16:56

Горнай улууһугар Бэтэрээннэр сылларын түмүктүүр тэрээһин буола турар

Быйыл Улуу Кыайыы 70 сылынан Горнай улууһугар Бэтэрээннэр сыллара биллэриллибитэ. Бүгүн ытык кырдьаҕастарыгар анаммыт долгутуулаах сылы түмүктээһин Бэрдьигэстээххэ үөрүүлээх быһыыга-майгыга ыытылла турар. Бу туһунан биһиэхэ улуус дьаһалтатын специалиһа Айталина Санникова иһитиннэрэр.

photoByWidth&id=50445&width=1000

Кини бэлиэтээбитинэн, улууска 143 тыыл бэтэрээнэ, 6 сэрии тулаайаҕа, 12 сэрии бэтэрээнин огдообото, 4 Аҕа дойду Улуу сэриитин бэтэрээнэ олорор. Бу ытык дьоҥҥо, бэлиэ сыл чэрчитинэн, болҕомто хаһааҥҥытааҕар да улааппыт, үгүс өрүттээх үлэ ыытыллыбыт. Бүгүн «Эргис» кафеҕа нэһилиэктэртэн уопсайа 80-ча бэтэрээн мустубутт. Ытык кырдьаҕастары түмэргэ бары нэһилиэктэр дьаһалталара улахан кыһамньыларын уурбуттар. Бэтэрээннэри улуус баһылыгын солбуйааччы Владимир Спиридонов, социальнай политика отделын начальнига Ольга Скрыбыкина, нэһилиэнньэ социальнай көмүскэллээх буолуутугар управление начальнига Ольга Испандярова, нэһилиэктэр  баһылыктарын солбуйааччылар, о.д.а. эҕэрдэлээбиттэр.

photoByWidth&id=50446&width=1000

Бүгүҥҥү үөрүүлээх күҥҥэ «Горнай улууһун сайыннарыыга кылаатын иһин»  анал бэлиэнэн Маҕарас олохтооҕо, тыыл бэтэрээнэ Мария Семеновна Николаева, Бэс Күөлтэн тыыл бэтэрээнэ Николай Гаврильевич Жирков наҕараадаламмыттар. Николай Гаврильевич Варламов (Орто Сурт, тыыл бэтэрээнэ),  Василий Спиридонович Александров (Бэрдьигэстээх, тыыл бэтэрээнэ) о.д.а. дохсун ытыс тыаһыгар доҕуһуоллатан Махтал суруктары, өйдүү-саныы сылдьарга бэлэхтэри тутан үөрбүттэр. Бэтэрээннэри уус-уран самодеятельность көхтөөх кыттааччылара Нина Максимова, Руслан Семенов, о.д.а. ырыанан-тойугунан эҕэрдэлээбиттэр. Оттон ыҥырыылаах ыалдьыттар ис сүрэхтэн астынан, долгуйан туран кинилэргэ анаммыт бэлиэ сылга улахан болҕомто ууруллубутугар махтаммыттар. Инникитин да бу курдук «эдэртэн – эйэтин, кырдьаҕастан -- алгыһын» диэн сиэрдээх этиинэн салайтаралларыгар, бары түмсүүлээх буолалларыгар баҕарбыттар.

photoByWidth&id=50447&width=1000

Түгэнинэн туһанан эттэххэ, быйыл саас Аҕа дойду Улуу сэриитин бэтэрээнэ, учуутал-фронтовик В.С.Алексеев төрөөбүтэ 100 сылынан улуус киинигэр стела, Советскай Союз Геройа В.Д.Лонгинов,  «Кыһыл сулус" урордьан кавалера С.П.Павлов бюстара үөрүүлээх быһыыга-майгыга аһыллыбыттара. «Аҕа көлүөнэ» муниципальнай программанан улуус, нэһилиэктэр дьаһалталара  СР Үлэҕэ уонна социальнай көмүскэллээх буолууга министерствотын кытта  бэтэрээннэр дьиэлэрин өрөмүөннэнэллэригэр көмө оҥорбуттара. Аны аҕыйах хонугунан, Бэрдьигэстээххэ, өссө биир толору хааччыллыылаах таас дьиэ үлэҕэ киириэхтээх. Онно 35 бэтэрээн саҥа квартиралар күлүүстэрин тутуохтаах. Айталина Николаевна эппитинэн, кэлэр да өттүгэр үлэ кэҥээн, салҕанан иһиэхтээх.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 857 Источник: ЯСИА Автор: Сардана Баснаева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ