Тыа хаһаайыстыбатын департаменын кылаабынай агронома Павел Самсонов арыаллааһынынан МТС-Агро отчуттарын уонна сиилэсчиттэрин кытары көрүстэ. Улууска бүгүҥҥү туругунан барыта 18 106 тонна от кээһиллибит. Бу сыллааҕы былаан 53,5% буолар. Мантан тэриллиилээх хаһаайыстыбалар 2030 тонна оту оттообуттар. Оройуон үрдүнэн 28 тыһ. кэриҥэ га ходуһа сирэ баар. Мантан 16 га охсуллубут.
Дьокутаат Антонина Григорьева аатырбыт киэҥ нэлэмэн Куочай ходуһаҕа сырытта. Отчуттары көрсөн үлэ хаамыытын, кыһалҕаларын ыйыталаста. От үүнүүтэ ортоһуор диэн МТС Агро звенотун салайааччы Л. Сухаринов эттэ, оттугунан толору хааччыллан олороллорун , тиэхиникэлэрэ эргэрэн эрэрин кэпсээтэ. Сиилэсчит Е. Филиппов сыллааҕы былаантан - 1000 тоннаттан 400 тоннатын ылан олоробут диэтэ. Сиилэс үүнүүтэ үчүгэй, былаан туолуоҕа диэн буолла.
Антонина Григорьева улуус тыатын хаһаайыстыбатын туруган Павел Самсоновтыын дьүүллэстэ. Сүрүн туруорсууларынан бырабыыталыстыба таһымыгар үлэлэһэргэ сүбэлэстилэр.
Дьокутаакка отчуттар, тутааччылар былааны толорорго бары кыаҕы ууран туран үлэлиэхпит диэн эрэннэрдилэр. Антонина Григорьева үлэ дьонугар салгыы ситиһиилэри баҕарда.
«Ньурба оройуона» МО пресс-сулууспата
Комментарии
Авторизация на сайте через социальные сети