- Бүтэйдээх орто оскуолатын директора Туйаара Пономарева, Дьокуускайдааҕы атыы-эргиэн экономическай колледж директора Наталья Яковлева, оройуон баһылыгын социальнай боппуруостарга солбуйааччы Иван Птицын, Бүтэйдээх нэһилиэгиттэн кыраайы үөрэтээччи Константин Родионов саха саарыныгар Кузьма Гавриловка аналлаах тэрээһиннэр бастакы түһүмэхтэрэ саҕаламмытынан эҕэрдэ тылларын анаатылар.
- 15 сыл устата ааҕыыларга түмүллүбүт оҕолор үлэлэрин хомуурунньугун колледж салалтатыгар туттарылынна. Иван Птицын Кузьма Гаврилов аатын үйэтитэр сыаллаах ааҕыылары тэрийэр колледж уонна кини аатын сүгэр оскуола салалталарыгар махтанна.
- Кыттааччылар дакылааттарын ХИФУ доценнара, наука кандидаттара, кафедралар сэбиэдиссэйдэрэ иһиттилэр. Конференцияҕа 63 оҕо, ол иһигэр орто анал үөрэх кыһаларын үөрэнээччилэрэ кытыннылар.
- Саха литературатын уонна филологиятын салаатыгар бастакы миэстэни Афоня Тарабукин (Хара орто оскуолата), историяҕа уонна кыраайы үөрэтиигэ Харысхан Кондинскай (Тумул орто оскуолата), географияҕа уонна экологияҕа Саргы Аргунова (Бүтэйдээх орто оскуолата), экономикаҕа Варя Захарова (В.П.Ларионов аатынан Майа орто оскуолата) дакылааттара үрдүк сыанабылы ыллылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети