ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
16 декабря 2015, 16:29

Экологическай үөрэхтээһини уонна сырдатар үлэни сүрүннүүр тэрилтэ


2012 сыллаахха Хотугулуу-Илиҥҥи федеральнай университет естественнай наукаларга институтун иһинэн экологическай үөрэхтээһини уонна сырдатар үлэни ыытар аналлаах научнай-үөрэтэр лаборатория тэриллибитэ.

 Бу лаборатория үлэтин-хамнаһын педагогическай наука доктора, профессор Ольга Милентьевна Кривошапкина салайар. Сэбиэдиссэйинэн университет доцена, педагогическай наука кандидата Акулина Гаврильевна Захарова үлэлиир.

Тэрилтэ экологическай иитии-үөрэхтээһин эйгэтигэр научнай чинчийиилэри ыытарын сэргэ, үөрэх-методическай, научнай-методическай уонна нэһилиэнньэҕэ сырдатар үлэни балачча киэҥник тэрийэр.

Үлэбит сүрүн соругунан буолар: экологическай үөрэхтээһин ис хоһоонун саҥардыы уонна тупсарыы; оскуолаларга сайыҥҥы экологическай лааҕырдар үлэлэрин сайыннарыы; нэһилиэнньэҕэ экологическай билиини тарҕатыы уонна кини экологическай культуратын үрдэтии.

Маны таһынан, экологическай үөрэхтээһин лабораторията үөрэх тэрилтэлэрин үөрэх-методическай сулууспаларын кытта маннык анал үлэни толорор:

- үөрэх саҥа стандартыгар (ФГОС) олоҕуран учебнай-тематическай былааннары уонна программалары саҥардыы, көннөрүү;

- үөрэх тэрилтэлэрэ экологияҕа программаларын олоххо киллэриигэ элективнэй куурустарыыытыы уонна методическай өттүнэн хааччыйыы;

- үлэтин хайысхатынан учууталларга методическай семинардары тэрийии;

- экологическай хайысхалаах оскуолалар инники сайдыыларын программаларын барылын оҥорууга көмөлөһүү;

- учууталлар чинчийэр үлэлэрин салайыы;

- үөрэнээччилэр научнай-практическай конференцияларыгар, предметнэй олимпиадаларыгар, куонкурустарыгар сүбэ-ама биэрии;

- экологическэй үөрэхтээһиҥҥэ бастыҥ педагогическэй уопуту тарҕатыы уонна ону научнай таһымҥа таһаарыы;

- нэһилиэнньэҕэ научнай билиини тарҕатыы уонна культурнай-сырдатар үлэни ыытыы.

Экологическай үөрэхтээһин лабораторията республика орто оскуолаларын уонна эбии үөрэхтээһин тэрилтэлэрин кытта сөбүлэҥ түһэрсэн үлэлиир. Холобур, биһиги лабораториябыт филиалынан Амма улууһун Сэргэ Бэс орто оскуолата буолар. Бу оскуола экологическай хайысханы тутуһан балай эмэ ситиһиилээхтик үлэлиир. Ол иһин лаборатория ресурснай киининэн буолары ситиспитэ.

photoByWidth&id=52293&width=1000

Лаборатория үлэтин биир сүрүн хайысхатынан нэһилиэнньэҕэ экологическай-сырдатар үлэни ыытыы буолар. Бу хайысха сүнньүнэн кэнники икки сылга үгүс үлэ барда. Холобур, “Саха” радиотыгар ый аайы араас экологическай ис хоһоонноох тиэмэлэринэн эфиргэ тахсабыт, нэһилиэнньэ интэриэһиргиир уонна мунаахсыйар боппуруостарын аһаҕас эфиргэ дьүүллэһэбит.

Көрүүтэ-истиитэ суох сылдьар ыттары кытта ситимнээх кыһалҕаүгүс киһини долгутар. Бу боппуруоһу лаборатория үлэһиттэрэ нэһилиэнньэни кытта сыл аайы аһаҕас эфиргэ дьүүллэһэллэр. Даҕатан эттэххэ, куораппытыгар бэйдиэ сылдьар ыттар ахсааннара биллэ аҕыйаабыта бэлиэтэнэр. Лаборатория инникитин уу, салгын, почва, бөх тоҕор сирдэр туһунан кэпсэтиилэри ыытыаҕа.

Бу соторутааҕыта Москва куоракка ыытыллыбыт Бүтүн Россиятааҕы экологическай үөрэхтээһиҥҥэ уонна сырдатыыга анаммыт научнай конференцияҕа лаборатория профессора Ольга Кривошапкина ситиһиилээхтик кыттан кэллэ.Кини оннобэйэтин регионнааҕыүөрэтэр-методическайматырыйаалларын билиһиннэрдэ. Кэрэхсэбиллээҕэ диэн, бу бырайыагы конференция кыттыылаахтара сэргээн, инникитин үөрэх тэрилтэлэригэр тарҕатарга диэн этии киллэрдилэр, технологическай саҥа сүүрээн быһыытынан билиннилэр уонна Россия таһымыгар билиҥҥитэ соҕотох бырайыагынан буоларын билиннилэр.

Дьэ ити курдук, лаборатория бу хайысхаҕа сыллата саҥа саҕахтары саҕан, таһаарыылаахтык үлэлиир.

Родион Софронов,

педагогическай наука кандидата, доцент     

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 761 Источник: ЯСИА Автор: CИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ