ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
12 июня 2015, 17:46

Уус-Ньараҕа Россия күнүн өрө көтөҕүллүүлээхтик бэлиэтээтилэр


Өймөкөөн улууһун Уус-Ньара бөһүөлэгин олохтоохторо Россия күнүн үөрэ-көтө бэлиэтээтилэр.

Соторутааҕыта буолан ааспыт үбүлүөйдээх Улуу Кыайыы күнүн эмиэ бэрт уратытык, сүргэлэрэ көтөҕүллэн бэлиэтээбиттэрэ. Онуоха улахан төрүөт баара. Ол курдук, көмүс хостооһунунан дьарыктанар «Янтарь» ХЭТ быйыл тэриллибитэ 10 сылыгар уонна Улуу Кыайыы үбүлүөйдээх 70 сылыгар анаан Кыайыы болуоссатын саҥардар соругу туруорунан, быйылгы бэлиэ күҥҥэ ветераннарга, сэрии хонуутугар охтубуттарга анаан саҥа мемориальнай комплекс аһыллыбыта. Ону Өймөкөөн улууһун олохтоохторо сүргэлэрэ өрө көтөҕүллэн көрсүбүттэрэ, уруйдаабыттара-айхаллаабыттара.

Россия күнүн Уус-Ньара олохтоохторо эмиэ сүргэлэрэ көтөҕүллэн, үөрэн-көтөн көрүстүлэр. Дьон-сэргэ Кыайыы болуоссатыгар оруобуна 4 часка тоҕуоруһа мунньустубутун кэннэ Россия күнүгэр аналлаах миитини улуус баһылыга Михаил Захаров эҕэрдэ тылынан аста. Баһылык эҕэрдэ тылыгар модун Россия элбэх омуктаах норуота бары биир санаанан салайтаран үлэлиирин, дойду сайдарыгар уонна кини ыраас халлааныгар эйэлээх олох баар буоларын туһугар бары биир киһи курдук кыһаллан турууралаһалларын туһунан эттэ.

photoByWidth&id=36528&width=1000

Уус-Ньараҕа ыам ыйын 9 күнүгэр олохтоохтору биллэр-көстөр «Песняры» ырыа бөлөҕө эҕэрдэлээн барбыт буоллаҕына, бу сырыыга «Белый Орел» ырыа бөлөҕө толору киһилээх «Чысхаан» стадиоҥҥа хит буолбут ырыаларын бэлэхтээтэ. «Как упоительны в России вечера» диэн аатырбыт ырыаларын олохтоохтор дуоһуйа иһиттилэр.

photoByWidth&id=36527&width=1000

Киэһэ 11 чааска «Янтарь» ХЭТ көмөтүнэн бырааһынньыктааҕы салют Уус-Ньара бөһүөлэгин үрдүнэн саппа-садарах уоттарынан өрүтэ биэрэн, олохтоохторго умнуллубат түгэни бэлэхтиэҕэ.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 833 Источник: ЯСИА Автор: Александр Тарасов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ