Мини-музейдар детсад аайы тэриллибиттэрэ олус кэрэхсэбиллээх. М.К. Аммосовка аналлаах литература, Улуу Кыайыыны уруйдуур муннуктар тустарынан кыттааччылар олус долгутуулаахтык кэпсээтилэр.
Түбэттэн О.С. Куприянова уолун Алгыстааны кытта эһэлэрин, сэрии кыттыылааҕын Н.С. Федоровиһы кэриэстээн «Дьиэ кэргэн музейын» тэрийбиттэрин туһунан кэпсээтилэр, сэдэх кэриэс маллары, суруктары аҕалан долгуттулар. Үөдэйтэн Александра Михайловна Макарова нэһилиэктэрин олохтооҕо — 82 саастаах уус Скрябин Прокопий Иннокентьевич өбүгэлэрбит туттан кэлбит тэриллэрин үтүгүннэрэн 100 араас макеты оҥорбутун музейга туттарда. О.А. Осипова уолунаан Артурдуун Никольскай музейын «Кинигэ — дьиэ кэргэн арахсыспат доҕоро» салаатыттан детсад оҕолоро оҥорбут кинигэлэрин аҕалан көрдөрдө. Уонна дизайнер идэлээх төрөппүт Алена Винокурова оҕотун Виканы кытары оҥорбут «Хаарчаана» диэн дизайнерскай комплегы (сахалыы кукла, суорҕан, сыттык, кинигэ) таһааран дьүүллүүр сүбэ биһирэбилин ыллылар.
Кыттааччы ахсаана сыл ахсын эбиллэ турарын, сонун разделлар киирэллэрин, үлэлэрэ тупсан иһэрин бэлиэтээн туран дьүүллүүр сүбэ чилиэннэрэ маннык түмүккэ кэллилэр — эһиил грамоталары, биһирэм суруктары элбэтэргэ, оҕолорго, төрөппүттэргэ, иитээччилэргэ ааҕыыны туспа секцияларынан арааран ыытарга. Уонна детсад иһинэн кыра музейдар дьон сэргиир, кэрэхсиир экспонаттарын, уопут атастаһар сыалтан, киэҥ эйгэҕэ таһаарарга сөптөөх үлэни былааннаан ыытарга.
Дьүүллүүр сүбэ быһаарыытынан бастакы секцияҕа М. Максимова иитээччилээх А. Слепцова, иккис секцияҕа Артур, Олеся Анатольевна Осиповтар кыайыылаахтарынан таҕыстылар.
Комментарии
Авторизация на сайте через социальные сети