Быйыл, биллэрин курдук, от үүнүүтэ ортоһуор. Ол сүрүн биричиинэтинэн сааһын уонна сайын саҕаланыыта ордук сөрүүн, ардаҕа суох буолан, от аанньа үүммэтэҕэ буолар. Урукку курдук уу чуумпу, сылаас да сылаас, киһи тыына-быара хаайтарыах айылаах «дуусунай» хараан түүннэр аны суох да буоллулар. От-мас оннукка үчүгэйдик үүнэр, ситэр дииллэрэ биһиги өбүгэлэрбит.
Бу күннэргэ ходуһалар араас техниканан, үлэһит дьонунан туоллулар. Халлааммыт да билиҥҥитэ оннук айылаах үлэни-хамнаһы атахтыыр улахан сис ардаҕа суох. Онон дьон-сэргэ курааны баттаһа күөх быйаҥ сомсуутугар күүскэ турунан эрэр.
Бэҕэһээҥҥи туругунан, улуус ходуһаларыгар 2792 киһи оттуу сылдьар, 3520,5 га иэннээх сир охсулунна, 834 тонна от кэбиһилиннэ. Манна 240 га сири охсон 185 тоннаны кэбиспит күүкэйдэр уонна 647 га сири оҕустарбыт, 130 тонна оту туруорбут күндэйэлэр бастыҥ көрдөрүүлэннилэр.
Комментарии
Авторизация на сайте через социальные сети