Учуутал – идэ эрэ буолбатах. Бу дууһа-сүрэх ыйыытынан талыллыбыт чэпчэкитэ суох, ол эрээри үтүө-мааны быһыы суола. Киһи аймах үтүөнү оҥоруутун, өй-санаа үрдүк хаачыстыбатын, баай билии уонна айар дьоҕур бастыҥ холобурунан оччоттон-баччаҕа диэри куруук учууталлар буолаллар. Дьиҥнээх учууталлар үөрэтэр, сырдатар үлэҕэ тапталларынан, оҕо дьылҕатын иһин эппиэтинэстээхтэринэн атыттартан уратылаахтар.
Оҕо киһи быһыытынан ситэригэр-хоторугар быһаччы кыттыһар дьон биһиги уопсай инникибитин түстүүллэр. Ол аата, государство ситиһиилээхтик сайдыыта, бигэ туруктаныыта кинилэри кытта ыкса ситимнэнэр уонна тутулуктанар. XXI үйэ дьоһун көлүөнэтин иитэн таһарыы – сыраны-сылбаны эрэйэр, махталы уонна ытыктабылы ылар улахан үлэ.
Эһиги профессиональнай билиигитин-көрүүгүтүн оҕоҕо тиэрдиинэн эрэ муҥурдаммаккыт, оҕо талаанын, дьоҕурун арыйыыга, сайыннарыыга, олох устатын тухары үөрэххэ дьулууругар сүрүн оҥкулу уураҕыт, акылааты айаҕыт.
Бүгүҥҥү оскуола хорсун, интэриэһинэй санааны, чаҕылхай учууталлары күүтэр. Сахалар үөрэхтэрэ үрдүкү кирбиигэ тахсарын ити хааччыйыахтаах. Үөрэх хаачыстыбатын үрдэтиигэ уонна үөрэх тоҕоостоох, кыаллымтыа буоларыгар туһаайыллыбыт уларыйыылар олох бары эйгэтигэр үтүө хамсааһыннары таһаарар сүрүн тирэх буолуоҕа.
Ис сүрэхпиттэн кытаанах доруобуйаны, тулууру, профессиональнай өттүнэн бэйэни куруук сайыннара тураргытыгар баҕарабын! Таптыыр идэҕит үөрүүнү эрэ аҕаллын! Оҕолор, төрөппүттэр эһиэхэ махтанар тыллара уҕараабатын!
Учуутал күнүнэн!
Саха сирин баһылыга Егор Борисов.
Комментарии
Авторизация на сайте через социальные сети