- Көнөпүлэ биһиги улууспутугар сүрүннээн Тумулга уонна өрүс уҥуор - Тиит Эбэҕэ, Хоточчуга, Күөрдэмҥэ, Хачыкаакка үүнэрэ биллэр.
- Бу сырыы туһунан улуус баһылыгын социальнай боппуруостарга солбуйааччы Ирина Соколович маннык эттэ:
- - Маннык сырыылар сыллата былааннаахтык ыытыллаллар. Сайын саҕаланыыта нэһилиэк баһылыктарын кытта көнөпүлэни суох оҥоруу былаанын бигэргэтэбит уонна атырдьах ыйыгар үлэ хайдах ыытыллыбытын миэстэтигэр тиийэн хонтуруоллуубут, бэрэбиэркэлиибит. Миэстэтигэр оҕустарбыт, умаппыт, эмтээбит сирдэрэ көстөллөр. Сорох сирдэргэ дьиикэй көнөпүлэ саҥа үүнэн тахсан эрэрин көрдүбүт. Үлэ барбыт, көнөпүлэ аҕыйаабыт, ол гынан баран син биир баар. Ирина Петровна нэһилиэк дьаһалталарын, тус эппиэтинэстээх дьону салгыы үлэлииллэригэр сорудахтаата.
- I Дьөппөн нэһилиэгин баһылыгын солбуйааччы Тамара Яндреева туох үлэ барбытын кэпсээтэ, көнөпүлэ үүнэ сылдьыбыт сирин көрдөрдө:
- - Биһиэхэ көнөпүлэ быраҕыллыбыт хотон таһыгар үүнэрэ. Ону кытта сыллата охсуһабыт. Улуус дьаһалтата быйылбиһиэхэ көнөпүлэни суох оҥорорго анаан оҕустарардаах «Синтай» тыраахтары, уматык биэрбитэ, үп көрбүтэ. «Победа» МУТ үлэһиттэрэ ылсыһан көнөпүлэни оҕустаран, суох оҥорбуттара.
- Бу хайысхаҕа оскуолаларга, нэһилиэнньэҕэ өйдөтөр-иитэр уонна сэрэтэр үлэни миэстэтигэр учаастактааҕы полиция үлэһиттэрэ ыыталлар. Мин Ханалас улууһунааҕы полиция начальнигын уопсастыбаннай бэрээдэги көрүүгэ солбуйааччы, полиция подполковнига Алексей Саввинтан туоһуластым.
- - Анал быһаарыынан, дойдубутугар атырдьах ыйын 10 күнүттэн алтынньы 31 күнүгэр диэри «Мак-2015» диэн операция иккис түһүмэҕэ ыытыллар. Бу тэрээһин чэрчитинэн учаастактааҕы полиция үлэһиттэрэ ким бу хара дьайдаах сүлүһүннээх дьааты хомуйуунан дьарыктанарын булар сыаллаах бааһыналарга сылдьаллар, рейдэлэри оҥороллор, араас тоһуурдары тэрийэллэр,- диэтэ Алексей Анатольевич.
- Бу сыл сэттэ ыйын түмүгүнэн улууспутугар наркотигы туттууга сыһыаннаах 13 буруйу оҥоруу тахсыбыт. Сүлүһүннээх үүнээйи үүммэтин туһугар үлэ тохтообокко ыытыллар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети