ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
29 декабря 2015, 09:47

Бүлүү улууһугар суруйааччылар ааҕааччылардыын көрүстүлэр


Бүлүү улууһугар сыл түмүктэрин таһаарыы дьаһаллара тэрээһиннээхтик ыытылыннылар. Улуус нэһилиэктэриттэн элбэх киһи кытынна.

photoByWidth&id=53234&width=1000

Ол иһигэр, суруйааччылары кытары көрсүһүүлэр улахан сэргэхсийиини таһаардылар. Бырааһынньык Иоган Матвеев «Бүлүү тыына, салгына» ырыатынан аһылынна. 50-ча ырыа ааптара Галина Фролова «Хатыҥ чараҥ суугуна», Луиза Прокопьева-Уйулҕаана «Ый кыыһын кымыһа» уонна «Ыллыыр кумаҕым ыҥырар», Николай Иванов «Эн кэлээр... күүтэбин» уонна «Итэҕэй. Итэҕэйимэ. Ол эрэн...», ону сэргэ Николай Линдин кинигэлэрэ сүрэхтэннэ.

Ааҕааччылар олохтоох ааптар, суруйааччы Семен Маисовы кытары атах тэпсэн олорон сэһэргэстилэр уонна соторутааҕыта тахсыбыт «Аҕа» диэн кинигэтин билистилэр.

photoByWidth&id=53235&width=1000

Галина Фролова тылларыгар, Иван Тулааһынап матыыбыгар «Бүлүү тыына, салгына» ырыаны Иоган Матвеев толоруутугар хас да клип уһулунна. Манна даҕатан эттэххэ, кини бу ырыатынан «Эн сулускун» куонкуруска кыайыылаах аатын ылбыта.

Дьокуускайтан ыҥырыылаах ыалдьыт буолан тиийбит Галина Фролова иһитиннэрбитинэн, сылы түмүктүүр тэрээһиннэр аҥардас биир улуус улахан ситиһиилэрин көрдөрдүлэр. Кыттааччылар Бүлүү улууһун Сергей Винокуров баһылыктаах дьаһалтата суруйааччыларын, айар талааннаахтарын өйүүр буолан, маннык үрдүк таһымнаах тэрээһини ыыппыттарыгар махталларын биллэрдилэр.

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 906 Источник: ЯСИА Автор: Надежда Егорова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ