«Нам улууһа» МТ баһылыгын бастакы солбуйааччы И.И. Сивцева, Саха Республикатын "Бизнес-инкубаторын" директорын солбуйааччы А.С. Слободчикова, «Бизнес-инкубатор» директора А.И. Винокуров аалай лиэнтэни үөрүүлээх быһыыга-майгыга быстылар.
«Нам улууһа» МТ баһылыгын бастакы солбуйааччы И.И. Сивцева, Саха Республикатын "Бизнес-инкубаторын" директорын солбуйааччы А.С. Слободчикова, «Ленскэй нэһилиэк» МТ баһылыга А.Г. Новгородов, «Бизнес-инкубатор» директора А.И. Винокуров, «I Хомустаах нэһилиэгэ» МТ баһылыга В.Г. Жирков, Намнааҕы социальнай көмүскэл управлениетын начальнига Н.Г. Парников, Дьарыктаах буолуу киин салайааччы Г.И. Николаев эҕэрдэ тыл эттилэр, бэйэлэрин сэмэй бэлэхтэрин туттардылар.
Улууспутугар орто уонна дьоҕус урбааны сайыннарыыга, өйөөһүҥҥэ ураты болҕомто ууруллан, нэһилиэнньэ күннэтэ наадыйар табаардарын оҥорон таһаарар, туризм, культурнай сынньалаҥ, чөл олох уонна да атын бырайыактара өйөбүл ылан, бэйэлэрин үтүө дьыалаларын тэринэн үлэлии-хамсыы сылдьар тэрилтэлэр элбэхтэр. Саҥа директор А.И. Винокуров этэринэн, мантан ыла бу кииҥҥэ араас семинардар, маастар-кылаастар ыытыллыахтара. Урбаанньыттарга дьыалаларын кэҥэтэллэригэр, сайыннаралларыгар сүбэ-ама, өйөбүл буолуохтара.
Онон «Бизнес-инкубатор» айымньылаах үлэни-хамнаһы сүрүннүүр киин буолуоҕар эрэнэбит.
Комментарии
Авторизация на сайте через социальные сети