Маҕаһыынтан буруо тахсарын туһунан тыллабыр киирбит кэмигэр дьуһуурунай чааска полиция отделын участковайа Иннокентий Дашинимаев уонна дьуһуурунай көмөлөһөөччүтэ Василий Долгунов бааллара. Уот турбут маҕаһыына полиция дьиэтиттэн аҕыйах хаамыылаах сиргэ турар буолан, тута онно сүүрэн тиийбиттэр. Хочуолунай ааныттан хойуу буруо тахсара, онон ойоҕос аанынан киирэн, уулаах буочукаттан уу таһан, уоту умулларыыны саҕалаабыттар. Ууну ыһааттарын кытта иһирдьэттэн киһи хаһыыта иһиллибит. Түргэн туттунуулаах уолаттар кыл мүччүкиһини өлүүттэн быһаабыттар.
Үөһээ Бүлүүтээҕи баһаарынай чаас инспектордара харабыл электрическэй чаанньыгын холбоон баран утуйбутуттан баһаар тахсыбыт диэн этэллэр. Хорсун санаалаах полиция үлэһиттэригэр киһини өлүүттэн быһаабыттарын ыйан туран, махтал суругу туттардылар.
Бүгүҥҥү күҥҥэ өрүһүйбүт киһилэрин туруга этэҥҥэ диэн этэллэр.
Комментарии
Авторизация на сайте через социальные сети