- Тэрээһини тыа хаһаайыстыбатын министиирин солбуйааччы С.С.Потапов, Тыа хаһаайыстыбатын Саха сиринээҕи научнай-чиничийэр институтун дириэктэрэ А.И.Степанов, улуус баһылыга Г.Ю.Алексеев иилээн-саҕалаан ыыттылар.
- Маннык мунньах сыллата улуустарынан ыытыллар. Быйылгы тэрээһиҥҥэ өрөспүүбүлүкэ тас өттүттэн тиийэ кэлбиттэр.
- Саха сиринээҕи ТХПК оҕуруот аһын уонна хортуоппуйу үүннэрээччилэрин сойууһун бэрэссэдээтэлэ В.Н.Фомин семинар туһунан санаатын маннык үллэһиннэ:
- - Бу тэрээһиммит чэрчитинэн научнай-чиничийэр институт селекционнай станциятыгар, «Нөмүгү» агрофирмаҕа сырыттыбыт. Манна бииргэ үлэлэһэр тэрилтэлэрбитин ыҥыран кытыннардыбыт. Ол курдук, Москва уобалаһын Коломна куоратыттан «Юг-Полив» диэн тэрилтэ кэлэн ардахтатар ситимнэрин научнай-чинчийэр институт бааһынатыгар туруоран үлэлэтэн көрдөрдө. Итини сэргэ «ОПХ-Групп» диэн бөдөҥ фирма анал техниканы оҥорор собуотун бэрэстэбиитэлэ баар. Новосибирскай куораттан оҕуруот аһын сиэмэтин атыылыыр «АГРОС» фирма бу сүбэ мунньахпытыгар кытынна.
- Мунньах кыттыылаахтара бэрт элбэх туһалаах информацияны ылан, кэпсэтиилэргэ кыттан санааларын үллэстэн тарҕастылар.
- Тыйыс усулуобуйалаах Сахабыт сирин олохтоохторун иҥэмтэлээх бэйэ аһынан хааччыйар сыалы-соругу туруорар тэрээһин түмүгэ быйаҥнаах буолуоҕар эрэнэбит.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети