Фестиваль дьүүллүүр сүбэтин искусствоведение доктора, Санкт-Петербургтааҕы экономика, культура уонна дьыалабыай администрирование институтун искусство факультетын декана, профессор Всеволод Богатырев салайан үлэлэттэ.
Куонкуруска Саха сириттэн, Хабаровскайтан, Комсомольск на Амуре куораттан, Благовещенскайтан уонна Соҕуруу Сахалинскайтан барыта 16 коллектив кытынна.
Фестивалы тэрийээччилэр эппиттэринэн, Чингиз Айтматов айымньытын кинилэр тылбааһа да суох өйдөөбүттэр, ылыммыттар. Профессиональнайа суох артыыстар итэҕэтиилээх оонньуулара сөхтөрбүт, испиктээкили туруоруу эмиэ улаханнык биһирэммит.
Алтынньы 4 күнүгэр кыайыылаахтары чиэстээтилэр-бочуоттаатылар I, II, III степэннээх уонна анал дипломнары үөрүүлээх быһыыга-майгыга тутардылар.
"Бу айар дьоҕур күрэстэһиини сыаналыыр чэпчэкитэ суох этэ ", - диэтэ Всеволода Богатырёв.
"Аны икки сылынан, аныгыскы фестивалга саҥа санаалары иҥэриммит туруоруулары күүтэбит" – диэтэ жюри чилиэнэ, Хабаровскай кыраайдааҕы театр жанрын идэлээх үлэһитэ Ирина Тарасова.
Комментарии
Авторизация на сайте через социальные сети