«Үлэ киһини киһи оҥорбута» - диэн норуот бэргэн этиитин суолтата сүппэт. Аныгы олоххо хас биирдии дьиэ кэргэҥҥэ дьарыктаах буолуу - олоххо бигэ тирэх олуга.
Төрөппүт оскуолаҕа төһөнөн чугас, бииргэ үлэлииргэ интэриэстээх да, соччонон бу оскуола үлэтэ ситиһиилээх буолар.
Оҕо гражданин, үлэһит, олоҕун-дьаһаҕын сатаан тэринэр киһи буола улаатарыгар болҕомтону күүһүрдэр сыалтан Таатта улууһунааҕы агро-оскуолалар ситимнэрин үлэһиттэрэ ыҥырыы таһаарабыт. 2015-2016 үөрэх дьылыттан саҕалаан маннык хайысхаларга үлэни күүһүрдэргэ:
- нормативнай правой базаны саҥардыыга;
- үөрэх программатыгар сааскы-күһүҥҥү үлэ практикатын киллэрэргэ (оҕо дьиэ кэргэн тэрилтэтигэр үлэлээбит чааһын практика суотугар ааҕыы). Орто уопсай үөрэх аттестатыгар үөрэнээччи үлэлээбит чааһын көрдөрөргө;
- VIII кылаастан саҕалаан ОППТ (общественно полезный производительный труд) чаастарын сөргүтүтэргэ;
- үөрэнээччи бизнес эйгэтигэр дьоҕус тэрилтэни аһарыгар көмөлөһөргө;
- материальнай-техническэй базаны бөҕөргөтүүгэ;
- сири-уоту (оттуур ходуһаны, бааһынаны), күөллэри үөрэх тэрилтэлэрин бас билиилэригэр биэриини ситиһиигэ.
Бу үлэҕэ бастакы хардыыбытын – саҥа үөрэх дьылын күһүҥҥү практикатын күргүөмнээхтик тэрийиэҕиҥ!
Таатта улууһунааҕы агро-оскуолалар ситимнэрэ.
2015 сыл атырдьах ыйын 25 күнэ.
Комментарии
Авторизация на сайте через социальные сети