Быйыл 150 – ча киһи олорор Арыы Толоон с. хаһаайыстыбаннай ньыманан филиал саахалланар туруктаах эргэ хочуолунай оннугар саҥа хочуолунайы тутар. Былырыын тутуу барыахтаах сиригэр өрүс тааһын уонна кумаҕы куппуттара. Быйыл сайын Новосибирскай к. «Байаҕантай нэһилиэгэ» МТ (баһылык Яков Иннокентьевич Степанов) сакааһынан хочуолунай дьиэтин каркаһын аҕалбыттара. Тутуу матырыйаалларын уонна оборудованиены филиал тиэйдэ. Хочуолунай 4,3 МВт кыамталаах буолуоҕа, биирдиитэ 1,44 МВт кыамталаах 3 хочуолу Ижевскэйтэн аҕалбыттара, ону таһынан Дьокуускайтан дымосос, вентилятор, турбалары уо.д.а. аҕалбыттара.
От ыйын 6 к. 5 киһилээх биригээдэ үлэтин саҕалаата. Арматура тардан баран бетоннаатылар. Хочуолунай фундамена турбалартан таҥыллыаҕа. Маны таһынан ОДьКХ ГУП саҥа хочуолунайтан сүрүн ититэр ситимҥэ диэри эбии турбалары тардарга былаанныыр.
Ааспыт нэдиэлэҕэ промышленность, куораты тутуу уонна инфраструктура управлениетын салайааччыта Айсен Данилов баһылыктаах бэрэбиэркэ бара сылдьыбыта. Хочуолунай быйылгы оттук сезонугар үлэҕэ киириэхтээх. Оччоҕо кэтэх ыаллар эмиэ киин ититэр ситимҥэ холбонор кыахтаныахтара.
Автор хаартыскаҕа түһэриилэрэ.
Комментарии
Авторизация на сайте через социальные сети