ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
11 августа 2015, 17:02

Быйылгыттан чакырдар сайыҥҥы уу ситиминэн туһаналлар


Амма Чакырыгар уу ситимин тардыыны 2011 сыллаахтан туруорсубуттара. Эһиилигэр бырайыак үлэтин ыытан, СР Тыатын хаһаайыстыбатын министерствотын бырагырааматыгар киирсэннэр, тутууну ыытар кыахтаммыттара. 6 мөлүйүөн 700 тыһыынча солкуобайдаах тендери олохтоох „Сардаҥа-строй“ тэрилтэ кыайан, үлэнисүрүннээбитэ.
photoByWidth&id=41708&width=1000
Сайыҥҥы уу ситимэ быйыл ыалларга киирэн олохтоохтор үөрүүлэрэ муҥура суох. Соторутааҕыта эрэ диэри уу баһар массыына өҥөтүгэр наадыйа олорбут нэһилиэк олохтоохторо ыйга 500-түү солк. төлөөн, ууну төһө баҕар туттар буоллулар. Нэдиэлэҕэ үс күн сарсыардаттан киэһээҥҥэ диэри кырааҥҥа уу баар буолар эбит. Онон хас биирдии ыал оҕуруот аһын кыайа-хото үүннэрэн, аны күһүн өлгөм үүнүүнү ылыахпыт диэн кэтэһэллэр.
Чакыр уулуссарыгар баһаарынай гидраннар турбуттар. Онон баһаарынай массыына бу гидраннарга холбонон төһө баҕар ууну ылыан сөп.
photoByWidth&id=41709&width=1000
Уу ситиминэн дьарыктанар нэһилиэк олохтоохторо Н.И Алексеев, А.И Яковлев чааһынай дьоҥҥо тэлгэһэлэригэр эмиэ тардан биэрэбит диэн кэпсииллэр: „Нэһилиэнньэттэн сайаапка хомуйан, нэдиэлэ иһинэн үлэни үмүрүтэбит. Уу ситимин ыалга 5 тыһыынча солкуобайга тардабыт, ити харчынан матырайаалларбытын ылабыт.
Инникитин ыраас уу станциятын тэрийэн үлэлэтэр баҕалаахпыт. Оччотугар нэһилиэкпит дьоно Амма ыраас уутун үрдүттэн ылан туһаныахтара этэ“.
При частичном или полном использовании материалов гиперссылка на сайт ysia.ru обязательна.
Категория: Территория Просмотров: 733 Источник: ЯСИА Автор: Лия СТАНИСЛАВСКАЯ Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ