ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
20 октября 2015, 16:59

Томполор учууталлар съезтэригэр


СР учууталларын уонна педагогическай общественноһын XIII съезтэригэр Томпо оройуонуттан 11 делегат талыллыбыта. Оройуон баһылыгын социальнай боппуруостарга солбуйааччы Петр Новгородов, оскуолалар директордара, учууталлар уонна оскуола иннинээҕи тэрилтэлэр педагогтара бааллара. Маны таһынан делегация састаабыгар урут Мэҥэ Алдан оскуолатыгар математика учууталынан үлэлээбит ХИФУ ректора Е.И. Михайлова сырытта.

Съезд программатын быһыытынан делегаттар былаас органнарыгар, киин куорат үөрэҕин тэрилтэлэригэр сырыттылар. Элбэҕи биллилэр-көрдүлэр. ХИФУ ректора Е.И. Михайлованы кытта олус истиҥ көрсүһүү буолла. Кини ситиһиилэр, быһаарылла илик кыһалҕалар, учууталлар тустарынан элбэҕи кэпсээтэ. Үрдүк идэлээх специалистэри бэлэмнииллэрин таһынан, университет экспериментальнай үлэнэн, саҥа технологиялары киллэриинэн, тутуунан, учууталлары бэлэмнээһининэн дьарыктанарын туһунан кэпсээтэ.

СР учууталларын уонна педагогическай общественноһын XIII съеһин пленарнай мунньаҕар республиканскай куонкурус кыайыылааҕа Алексей Павлов президиумҥа олордо.

Саха сирин Ил Дархана бастыҥ учууталлары наҕараадалаабытыгар Кириэс Халдьаайы орто оскуолатын саха тылын уонна литературатын учуутала Гаврил Павлов 100 тыһ. солк. гранынан бэлиэтэннэ.

Съезд чэрчитинэн республика эдэр педагогтарын ассоциациятын 3-с республиканскай форума буолла. Онно Томпо оройуонуттан 5 делегат сырытта. 4 учуутал Саһыл орто оскуолатыттан, 1 учуутал Хаандыга орто оскуолатыттан. Ассоциация саҥа салалтата талыллыбытыгар Саһыл орто оскуолатын географияҕа учуутала, иитэр үлэҕэ директоры солб. Жанна Соловьева бэрэссэдээтэли солбуйааччынан талылынна.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 624 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ