Алдаҥҥа, Тыындаҕа, Хабаровсккайга хонон-өрөөн, олохтоох дьаһалталары, общественнай тэрилтэлэри кытта көрсүтэлээн, болдьоммут кэмнэригэр – бэс ыйын 28 күнүгэр Владивостокка кэлбиттэр. “Тохтообут куораттарбытыгар Саха сирин общественнай тэрилтэлэрин, култууратын туһунан кэпсиирбит. Биһигини кытта Дмитрий Скрыбин, Маргарита Кардашевская хомустууллара, оттон кэрэ куоластаах Анна Сон “Дорообо, Дьокускайым” диэн ырыатынан үгүс дьон кутун туппута”, -- диэн бөлөх салайааччыта Алексей Бобылев кэпсиир.
Автопробег кыттааччылара суолларыгар улахан мэһэйдэри көрсүбэтэхтэр. Кинилэр бензиннэрин “ЯТЭК” ААО хааччыйбыт.
Алексей Бобылев акцияларын сүрүн соругун төһө ситиспиттэрин туһунан бу курдук этэр: “Биһиги общественнай тэрилтэлэр үлэлэрин, дьон-сэргэ төһө гражданскай санаатынан төһө көхтөөҕүн билэн-көрөн кэллибит. Республикабыт үлэтин кытта тэҥнээтибит уонна Саха сиригэр общественнай үлэ күүскэ ыытыллар эбит диэн түмүккэ кэллибит. Оттон инбэлииттэр дьону-сэргэни кытта тэҥҥэ олороллоругар тоҕоостоох усулуобуйа олохтонорун туһунан этэр буоллахха, үлэ барар эбит. Ол эрээри, ол үлэнэн эрэ муҥурдаммакка, инбэлиит төбөтүгэр, сүрэҕэр “тоҕоостоох эйгэ” оҥостуохтаах, оччоҕо ханнык да мэһэйдэртэн иҥнибэт буолуоҕа. Ону биһиги дакаастаатыбыт”.
Комментарии
Авторизация на сайте через социальные сети