ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
31 декабря 2015, 11:14

Владимир Поскачин: Саха санаалаах саргыта самныбатын!


Улуу чэҥ муус байҕал улаҕалаах, дьыбардаах дьыллаах, кырыалаах кыһыннаах, төгүрүк алаастаах, өҥүрүк куйаастаах бороҥ урааҥхай сыдьааннарын - Сахабыт сирин бары олохтоохторун үүнэр 2016 сыл кэлбитинэн Үөһээ Бүлүү улууһун олохтоохторун аатыттан - истиҥ эҕэрдэ буоллун!

Олох араас очурдарын быһа түһэн, Орто дойду оһоллорун-моһоллорун туораан син баччаҕа диэри тиийэн кэллибит. Саха норуота кэнэҕэс да саргыта самныбакка, сүргэтэ сууллубакка олоҕун-дьаһаҕын укулаатын бэйэтэ тэринэн, босхо баһын бэйэтэ бас билэн, судаарыстыбаннаспытын өрө тутан иннибит диэки эрэллээхтик хардыылаан-атыллаан иһиэҕиҥ. Соҕурууттан-арҕааттан кэлэр силлиэҕэ-буурҕаҕа булгу эрийтэрбэккэ, бэйэ бодотун өрө тардынан, төрөөбүт сирбитигэр-уоппутугар хаһаайын буоларга дьулуһан, ыксаабакка-ыгылыйбакка дьоһуннаахтык дьаһанан, олохтоохтук оҥостон, улууһунан-алааһынан атааннаспакка, омукпут уйгулаах олоҕун туһугар төгүрүччү түмсэн, эргиччи эйэлэһэн үлэни-хамнаһы өрө тутуоҕуҥ. Уларыйыыттан чаҕыйыамыаҕыҥ, ырааҕы өтө көрөн өйбүтүн тобулуоҕуҥ. Дохсун күүстээх санааланыаҕыҥ, аймаҕы аһыныаҕыҥ, урууну ытыктыаҕыҥ, биир хааннааҕы суулларымыаҕыҥ! Аныгы кэмтэн саллан сыппакка бииргэ, тэҥҥэ хаамсан иһиэҕиҥ, үөрэҕи өрө тутуоҕуҥ, билиини сырсыаҕыҥ, тугу барытын норуоппут, дойдубут туһугар эргитиэҕиҥ! Кэхтэри-самнары билимиэҕиҥ!

Баҕа санааны кытары Саха сиринээҕи "Биир Ньыгыл Россия" политсоветын чилиэнэ, "Үөһээ Бүлүү" МО баһылыга Владимир ПОСКАЧИН

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 715 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ