Манна ыам ыйын бүтэһигинээҕи туругунан 300-тэн тахса киһи үлэтэ суоҕунан учуокка турар. Дьарыктаах буолуу киинэ үлэтэ суохтарга, оҕолорун көрөн олорор төрөппүттэргэ үлэ булалларыгар, идэ ылалларыгар көмөтө улахан. Холобур, бу күннэргэ Ньурбатааҕы Дьарыктаах буолуу киинигэр Чурапчытааҕы үөрэтэр киинтэн преподаватель кэлэн «1С. Бухгалтерия» кууруһун ыыта сылдьар.
Сайыҥҥы уһун сынньалаҥ кэмигэр оскуола оҕолоро дьарыктаах буолууларын хааччыйыыга утумнаах үлэ барар. Киин уонна оройуон дьаһалтата көҕүлээн, хамнастарыгар үп көрөн, Кыайыы болуоссатыгар көҕөрдүү үлэтин ыытар «Зеленый патруль» лааҕыр бэс ыйын 1 күнүттэн, 10-нуу оҕонон барыта 3 сезонунан, атырдьах ыйыгар диэри үлэлиэҕэ. Оҕолор сайыҥҥы кэмҥэ дьиэ кэргэттэрин бюджетын хаҥатыһалларын киэн тутта кэпсииллэр.
Ньурбатааҕы Дьарыктаах буолуу киинин үлэһиттэрэ быйыл сайын, инники сылларга курдук, тэриллиилээх хаһаайыстыбалары, тэрилтэлэри кытта дуогабар түһэрсэн, оҕуруоту көрүүгэ-истиигэ, көҕөрдүүгэ, тутуу ис үлэлэригэр сокуоннай саастарын ситэ илик оҕолору быстах кэмҥэ үлэнэн хааччыйарга былаанныыллар.
Комментарии
Авторизация на сайте через социальные сети