- Ол курдук, поликлиникаҕа капитальнай өрөмүөн ыытыллыбыта, бары этээстэргэ муосталара уларытыллыбыта, эркиннэрэ кырааскаламмыта, үрүттэрэ уларытыллыбыта, сырдатыыта тупсарыллыбыта, стеклопакеттар туруоруллубуттара, сымнаҕас миэбэл атыылаһыллыбыта. Итии уонна тымныы иһэр уулаах кулердар туруоруллубуттара, күнүскү стационарга эмтэнэр ыарыһахтарга төлөбүрэ суох аһылык тэриллибитэ. Баһаартан сэрэхтээх буолуу быраабылаларын кэһиилэр туоратыллыбыттара. Ыалдьааччыларга нус-бараан күнүскү стационар саҥа хоһо аһыллыбыта. Маны таһынан 2015 с. поликлиникаҕа "Медицинскэй көрүү отделениета" үлэтин саҕалаата.
- Бары этээстэргэ чөл олоҕу пропагандалааһыны көрдөрөр телевизордар туруоруллубуттара, ону таһынан араас ыарыылары профилактикалааһын уонна эмтээһин туһунан плакаттар ыйаммыттара, көрдөрөөччүлэргэ анаан босхо Wi-Fi ситим туруоруллубута, оҕолорго мультфильмнэри көрдөрөргө анаан площадка оҥоһуллубута.
- Фельдшерскэй-акушерскай пууннарга уонна учаастактааҕы балыыһаларга өрөмүөн ыытылынна уонна ыытыллар. Тэрилтэ бэйэтин күүһүнэн Новай, Ударник ФАП-тарыгар, Мэҥэ Алдан балыыһатыгар уонна сэллиги утары үлэлиир диспансерга өрөмүөн ыытта. Доруобуйа харыстабылын министерствота үп биэрэн, Тополинайга балыыһа өрөмүөннэнэр.
- Саҥа сулууспа - "Гистологическай лаборатория" аһылынна, онон диагностааһын кыаҕа биллэрдик улаатара уонна диагноһы туруоруу бириэмэтэ аччыыра былааннанар. Ол түмүгэр Томпо оройуонун балыыһалара медицинскэй көмөнү оҥорууга доруобуйа харыстабылын тэрилтэлэрин ирдэбиллэригэр сөп түбэһэллэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети