Араас түгэҥҥэ дьиэҕэ-уокка, үлэҕэ-хамнаска, үүнээйини олордорго, оҕону көрөргө, ас астыырга, күнү-дьылы билгэлииргэ, доруобуйаны көрүнэргэ үгүс-үтүмэн соргулаах сүбэлэрдээх, сахалыы сайдам тылынан суруллубут халандаар үүммүт сылга эрэллээх доҕор, арахсыспат аргыс буолуоҕа!
Бу халандаартан быһа тардан кылгастык түүл тылдьытын бэчээттиибит.
Кирилиэһинэн үөһэ ыттыы, үрдүккэ тахсыы – дьоһун ситиһии бэлиэтэ. Кирилиэһи улахан сыранан өрө ыттыы – сыалы-соругу улахан эрэйинэн ситиһии эбэтэр ыарыыттан үтүөрүү.
Кирдээх буолуу – байарга. Ким эмэ киргэ уйманара – байарыгар.
Кинигэ атыылаһарыҥ – тапталы көрсөргөр.
Саргылаах Саҥа Дьылга күлүмүрдэс харыйа тула чугас дьоммутун кытта мустан, бэлэх бэрсэр үтүө үгэстээхпит. Биллэн турар, халыҥ аймахха хас биирдии киһиэхэ сыаналаах бэлэх ылар кыаллыа суоҕа, ол эрэн, болҕомто быһыытынан сэмэй бэлэхтэри туттартаатаххытына барыларын үөрдүөххүт. Маннык түгэҥҥэ, хас биирдии саха ыалыгар күннэринэн арыллар халандаар саҥа сылга сахалыы тыыннаах истиҥ бэлэх буолуо!
Маны таһынан, истиэнэҕэ ыйанар улахан кээмэйдээх, Сахабыт сирин кэрэ айылҕатын дьүһүйэр халандаардары бииргэ үлэлиир, алтыһар дьоҥҥутугар, тэрилтэлэргэ бэлэх оҥорорго тиэтэйиҥ! Эһигини «Бичик» маҕаһыыннарыгар күүтэбит!
Комментарии
Авторизация на сайте через социальные сети