- Сүбэ мунньах сыала - тус аналлаах сир учаастактарын анааһыҥҥа, араартааһыҥҥа уонна докумуоннарын оҥорууга, ону таһынан "Халыма" федеральнай суолун кыйа сытар нэһилиэнньэлээх пууннарга регенерационнай пууннары уонна антенналаах-мачтовай тутуулары тутарга тех-учаастактары быһаччы талан ылыы буолар.
- Специалистар ааҕалларынан, линияны тардыы түргэн буолуоҕа. Онон оптоволоконнай линияны тардыы кэмигэр тохтоон хаалыыны таһаарбат инниттэн сири араартааһын, тех-учаастактары кадастровай учуокка туруорууну уонна регистрациялааһыны төһө кыалларынан кылгас болдьоххо ыытыахха наада.
- Энергиянан хааччыйыыга кыһалҕа суох курдук, Томпотооҕу уонна Тааттатааҕы электростанциялар кыамталарынан быһаарыллаллар. Арай линия өрүһү туорууругар "Якутскэнерго" АК кытта кэпсэтии барыахтаах.
- Билигин кэпсэтии Таатта оройуонун диэкиттэн кэлэр уонна Мэҥэ Алдан, Кэскил, Хаандыга, Теплай Ключ уонна Развилка сэлиэнньэлэри хабар оптоволоконнай сибээс бастакы линиятын туһунан барар.
- Амма оройуонун диэкиттэн кэлэр иккис линияни тардыы кэлин ыытыллыаҕа. Ханнык да мэһэй үөскээбэтэҕинэ, "Импульс" НПО ХЭТ бастакы линияны тестовай режим быһыытынан быйыл сэтинньигэ киллэрэр былааннаах.
- Ол эрээри "Импульс" тэрилтэ оптоволоконнай сибээс магистральнай линиятын цифровой дааннайдары ыраахха диэри үрдүк тэтимнээхтик, сүтүгэ суох ыытар эрэ буоллаҕына, ити магистральнай линияны үлэҕэ киллэриэҕэ. Оптоволокно киэҥ кыахтарын олоххо туһаныы олохтоох оператордар көхтөөх үлэлэриттэн, билиилэриттэн тутулуктаах буолуоҕа.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети