Санатар буоллахха, оҕо саадын саҥа дьиэтин тутар туһунан боппуруоһу олохтоохтор өссө икки сыллааҕыта өрөспүүбүлүкэ баһылыга Егор Борисовы кытта көрсүһүүгэ туруорсубуттара. Тутуу былырыын саас саҕаламмыта. Бу объект судаарыстыба уонна чааһынай бас билии бииргэ үлэлээһиннэрин бырагырааматынан тутулунна. Тутааччынан, сакаасчытынан «Якутцемент» ПХ ААУо, бэдэрээтчигинэн «Норд» тутуу хампаанньата үлэлээтилэр.
Үөрүүлээх тэрээһиҥҥэ өрөспүүбүлүкэ баһылыгын, бырабыыталыстыбатын дьаһалтатын салайааччы Юрий Куприянов, үөрэх миниистирэ Феодосия Габышева, Ил Түмэн бэрэссэдээтэлин бастакы солбуйааччы Анатолий Добрянцев, «Хаҥалас улууһа» МО баһылыга Гаврил Алексеев кыттыыны ыллылар.
Юрий Куприянов кириисис кэмигэр бырабыыталыстыба өрөспүүбүлүкэ кэскилин туһугар судаарыстыба уонна чааһынай бас билии бииргэ үлэлээһиннэрин көмөтүнэн саҥа оскуолалары, оҕо саадтарын салгыы тутуо диэн бэлиэтээтэ. Уонна уһуйаан сэбиэдиссэйигэр Нина Михайловаҕа миэбэл сертификатын туттарда.
Дьоро күнү уһуйаан иитиллээччилэрин ырыалара-үҥкүүлэрэ киэргэттэ.
Комментарии
Авторизация на сайте через социальные сети