Быйыл Хаандыгаҕа саҥа оонньуур дьон күрэхтэһиилэрэ буолла. Бастакы миэстэни Кириэс Халдьаайы дьаһалтатын суоппара Гаврил Степанов ылан «Драгоценности Якутии» ХЭТ үрүҥ көмүс чаһытын хаһаайынынан буолла. Иккис миэстэлэммит 65 саастаах Борис Подобреев (Хаандыга) «Охотник» маҕаһыынтан шведскэй ледобур, үһүс миэстэлэммит Сергей Никитин (Саһыл нэһилиэгэ) «Драгоценности Якутии» ХЭТ-тэн саха быһаҕын туттулар. Бильярдка саастаах да дьон оонньууллар. Ол туоһутунан күрэхтэһиигэ иккис сылын кыттар 95 саастаах тыыл бэтэрээнэ Гаврил Голиков буолар. Киниэхэ Д.К. Васильев огдообото Лидия Афанасьевна өйдөбүнньүк бэлэх туттарда.
- Кириэс Халдьаайыга күүстээх оонньооччулар күөн көрүстүлэр. Манна олохтоохтор баһыйаллара эрдэттэн биллэр этэ. Ол курдук, оҕолор Саха сиригэр эрэ буолбакка, Россияҕа, аан дойдуга тиийэ күрэхтэһэллэр. Быһаарыылаах киирсиигэ ОСО филиалын бильярдка тренерэ Мичил Жирков уонна кини үөрэнээччитэ Никита Потапов көрүстүлэр. Никита тренерин кыайан чемпионнаата.
- Никита 11 кылааска үөрэнэр. Бильярдынан үһүс сылын дьарыктанар. 2014 сылга уолаттарга Россия чемпионатыгар үһүс, быйыл Дьокуускайга мэр кубогар уонна Г. Тэн турнирыгар иккис миэстэлэрдээх, аан дойду чемпионатыгар кыттыбыта. Чемпиоҥҥа «Драгоценности Якутии» ХЭТ 20 тыһ. солк. үрүҥ көмүс киэргэтиилээх уктаах саха быһаҕын, «КДМ» кубок, ГУП уонна «Таба-Полюс» ТХПК 7 тыһ. солк. таба этин ылар сертификат туттардылар. М. Жирковка Д.К. Васильев доҕотторо 13 тыһ. солк. мотопила, үһүс буолбут Никита аҕатыгар Николай Потаповка улуус дьаһалтата 10 тыһ. солк. туттардылар. Лидия Васильева Кириэс Халдьаайы оскуолатын үөрэнээччитэ Артем Ефимовка кий, Мэҥэ Алдантан сылдьар 67 саастаах Иван Чириковка термос бэлэхтээтэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети