Буолаҕа «Үүнүү» хаһаайыстыба комбайна бурдук быһар, үрдүк хаачыстыбалаах от оттонон, былаан туолла. Сайылыкка да үүтү ыатылар, арыы собуота өрөбүлэ суох күн аайы кэлбит үүтү тутан, утары астаан, атыыга таһааран иһэр. Субай сүөһүгэ аналлаах саӨҥ хотон бүтэн, ис оҥоһуга сиппэккэ турар, икки квартиралаах уопсай дьиэ көҥдөйө бүтэн, сарайа саалынна, «Байкал» саҥа маҕаһыын түргэн кэм иһинэн тутуллан дьэндэйдэ, ис оҥоһугун биригээдэ кэлэн ситэрэн, бу сылга аанын тэлэччи аһаары бэлэмнэнэр. Биэс ыал саҥа дьиэҕэ киирии малааһынын оҥоруохтара, өссө да сэттэ эдэр ыал дьиэ туттан түбүгүрэ сылдьаллар. Тыа сирэ үүнэр, сайдар. Ким эрэ саҥа хотон, гараж туттан түбүгүрэр. Орто оскуолаҕа 150 оҕо үөрэнэр, оҕо саада эмиэ толору оҕолоох, тэрилтэлэр бары сылааска холбонон, үлэ ньиргиччи саҕаланан, Күндэйэ нэһилиэгэ инникигэ эрэллээх буолан үүнэр-сайдар.
Көмүс күһүн үөрүүтэ
Сунтаар улууһун агрооскуолаларын «Уйгулаах көмүс күһүн» диэн ааттаах тэрээһинэ ыытылынна. Манна Уһун Күөл, Сунтаар 2 №-дээх, Күүкэй, Бордоҥ, Күндэйэ оскуолаларыттан кэлэн эгэлгэ аһылыктаах, араас киэргэтиилээх байылыат остуолу тартылар. Айылҕа матырыйаалыттан оӨоһуллубут уруһуй, оҥоһук быыстапката, кэрэ көстүүнү үйэтип-пит хаартыскалара көрдөрүүгэ турдулар. Атыылаһааччы да элбэх буолан, сибиэһэй бородуукта хамаҕатык барда. Хас да сиргэ минньигэс аһылыктаах, итии чэйдээх чайной үлэлээн, ким да тарҕаспакка, үрдүгэр сылдьан араас күрэх-тэһиилэри дуоһуйа көрдүлэр.
Хапсаҕай тустууга муҥтуур кыайыылааҕынан уонна мас тардыһыытыгар чемпионнаан, Аскалон Иванов (Күндэйэ) 5 кг ынах арыытынан, 1 куул хортуоппуйунан наҕараадаланна. Салгыы «Тыа сирин хаһаайына» диэн хамаанданан уолаттар күрэхтэһиилэригэр эмиэ күндэйэлэр тэҥнээхтэрин булбатылар. Агрооскуолалар дирек-тордара бастыҥтан бастыҥ оҕолорго махтал суруктары, харчынан бириэмийэлэри туттардылар.
Күнүс 4 чаастан «Ыллыыр, үҥкүүлүүр агрооскуола» диэн 5 түһүмэхтээх ырыа, үҥкүү, фольклор күрэҕэ ыытылынна. Түмүккэ бары көрүҥҥэ үрдүк баалы ылан, Уһун Күөл агрооскуолата бастакы миэстэҕэ тиксэн, 10.000 харчы сертификатын туттулар. Бу тэрээһин көмүс күһүҥҥэ ананан ыытыллыбыта ордук тоҕоостоох.
Комментарии
Авторизация на сайте через социальные сети