Үгэскэ кубулуйбут «Неустроев ааҕыыларыгар» Таатта, Томпо улуустарын үөрэнээччилэрэ көхтөөхтүк кытыннылар. Н.Д. Неустроев аатын сүгэр оскуолаҕа буолбут литература бырааһынньыгар 85 оҕо түмсэн викторинаҕа, дакылаат ааҕыытыгар уонна театральнай куоталаһыыга күрэстэстилэр.
«Неустроев ааҕыылара» научнай-практическай конференция олус кэрэхсэбиллээхтик, суруйааччы олоҕор, айар үлэтигэр сыһыаннаах сонун чахчылардаах, саҥа арыйыылардаах буолла.
Алын бөлөххө:«Н.Д. Неустроев – кэпсээнньит» хайысхаҕа бастакы миэстэни Владимир Никифоров (6 кылаас, Хара-Алдан), иккис миэстэни Сайыына Максимова(6 кылаас, Уус-Таатта), үһүс миэстэни Виолетта Захарова(6 кылаас, Хара-Алдан);
«Н.Д. Неустроев – комедиограф» хайысхаҕа бастакы миэстэни Артур Попов(7 кылаас, Игидэй), иккис миэстэни Федор Захаров (6 кылаас, Хара-Алдан), үһүс миэстэни Сайа Лопатина(6 кылаас, Игидэй);
«Н.Д. Неустроев олоҕо, төрдө-ууһа» хайысхаҕа бастакы миэстэни Ариан Винокуров(5 кылаас, Уус-Таатта), иккис миэстэни Денис Рахлеев (7 кылаас, Уолба);
«Н. Д. Неустроев уонна билиҥҥи кэм» хайысхаҕа бастакы миэстэни Маша Баишева(5 кылаас, Уус-Таатта), иккис миэстэни Анита Смирникова (6 кылаас, Хара-Алдан) ыллылар.
Оттон үрдүкү бөлөххө Лана Кривошапкина(9 кылаас,Мэҥэ-Алдан),Лола Кочнева(9 кылаас, Уус Таатта), Моника Тарабукина(11 кылаас, Уус- Таатта), Юля Постникова(9 кылаас, Уус Таатта), Сайыына Неустроева (8 кылаас, Баайаҕа), Костя Неустроев (10 кылаас, Баайаҕа) бастыҥ үлэлээхтэринэн ааттаннылар.
Бу дакылааттартан үрдүкү бөлөххө бастаабыт Томпо улууһун Мэҥэ-Алдан нэһилиэгин Е.П. Неймохов аатынан оскуолатын үөрэнээччитэ Лана Кривошапкина суруйааччы Николай Неустроевы кытта бииргэ төрөөбүт Марфа Денисовна удьуордарын туһунан хомуйбут чахчылара суруйааччылар, учуонайдар сэҥээриилэрин ылла.
«Н.Д. Неустроев – саха литературатын суолдьут сулуһа» викторинаҕа бастакы миэстэни кини аатын сүгэр Уус-Таатта оскуолатын, иккис миэстэни Баайаҕа И. Хатылаев аатынан оскуолатын, үһүс миэстэни Ытык Күөл 1 №-дээх Алампа аатынан оскуолатын хамаандалара ыллылар.
Театральнай көрүүгэ бастакы миэстэни Ытык Күөл 1 №-дээх Алампа аатынан оскуолата, иккиһи Чычымах Эллэй аатынан оскуолата, үсүһү хаһаайыттар — уус-таатталар ыллылар.
Оттон «Бастыҥ кыыс оруола» анал ааты Кристина Копырина(Хара-Алдан), «Бастыҥ уол оруола» анал ааты Алгыс Монастырев(Ытык Күөл 1 №-дээх Алампа аатынан оскуолата) сүгэр чиэскэ тигистилэр.
Саха литературатын төрүттэспит суруйааччы Николай Неустроев төрөөбүтэ 120 сылын бэлиэтиир тэрээһиннэр бочуоттаах ыалдьыттарынан Уус-Тааттаттан төрүттээх П.А. Ойуунускай аатынан государственнай бириэмийэ лауреата, Саха сирин Суруйааччыларын сойууһун ытык сүбэтин салайааччы Николай Винокуров-Урсун, ХИФУ Россия Хотугулуу-Илиҥҥи норуоттарын тылларын уонна культураларын институтун дириэктэрин наукаҕа солбуйааччы, ф.н.к. Матрена Попова, ХИФУ нуучча тылын кафедратын сэбиэдиссэйэ, ф.н.к., суруйааччы Василий Тарабукин кыыһа Марфа Тарабукина уонна Саха сирин Суруйааччыларын сойууһун бэрэссэдээтэлин солбуйааччы, «Чолбон» сурунаал сүрүн редакторын солбуйааччы Гаврил Андросов, ХИФУ саха литературатын кафедратын сэбиэдиссэйэ, ф.н.к. Валентина Семенова буоллулар. Оттон суруйааччы чугас аймахтарын, ол иһигэр Дьокуускайтан кэлбит Аркадий Мордовской, Дьүлэй нэһилиэгиттэн кэлбит Евгений Неустроев кыттыылара кэнчээри ыччаты ааспыт кэми кытта ыкса ситимнээтэ.
Бу үөрүүлээх тэрээһиннэргэ «Таатта улууһа» МО баһылыга Михаил Соров, кини көмөлөһөөччүтэ Денис Данилов, «Алдан нэһилиэгэ» МТ баһылыга Владимир Борисов кытыннылар. Оттон үбүлүөйү Н.Д. Неустроев аатынан оскуола коллектива (дириэктэр Петр Дягилев) иилээн-саҕалаан ыытта.
Комментарии
Авторизация на сайте через социальные сети