- Улуустааҕы гимназияҕа Россия уонна Саха Республикатын гимнэрэ тыаһаан бүтээттэрин кытта, сибэкки дьөрбөтө тутуурдаах маҥнайгы кылааска киирээччилэр учууталлара Н.И. Герасимова арыаллааһынынан дохсун ытыс тыаһынан доҕуһуоллатан бочуот эргиирин оҥордулар.
- Үөрүүлээх линейкаҕа гимназия директора В.А. Матвеева, олохтоох дьаһалта баһылыгын солбуйааччы Т.А. Туприна, улуус дьаһалтатын аатыттан улуустааҕы архыып сэбиэдиссэйэ А.В. Петрова, «Чуораанчык» оҕо саадын иитээччитэ З.С. Спиридонова, «Тугутчаан» оҕо саадын сэбиэдиссэйэ З.Н. Спиридонова, үөрэх управлениетын начальнигын солбуйааччы А.В.Свешникова оҕолору уонна учууталлары, төрөппүттэри эҕэрдэлээн тыл эттилэр.
- Ити кэнниттэн быйыл оскуоланы бүтэрэр оҕолор эҕэрдэ этэн туран, гимназия боруогун аан бастаан атыллаан киирээччилэргэ сэмэй бэлэхтэрин туттардылар. Маҥнайгы кылааска киирээччилэр хоһоон ааҕан чуопчаардылар.
- Бастакы чуорааны XI кылаас бастыҥ үөрэнээччитэ, актыбыыс Аня Чуприна уонна I кылааска киирбит Саян Сахатаев тыаһатар чиэскэ тигистилэр. Чуораан лыҥкынас тыаһынан үөрэнээччилэри бастакы уруоктарыгар ыҥыртаата.
- Үөрүүлээх линейканы гимназия учуутала Ю.Н. Барабанская уонна IX кылаас үөрэнээччитэ Игорь Туприн иилээн-саҕалааныыттылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети