Кооператив салайааччыта Таисия Десяткина СИА-ҕа эппитинэн, бактериялары саҥа төрөөбүт ньирэйдэри көрүүгэ-истиигэ туһаммыттар. Анаммыт сири бэлэмнээн, ол муостатыгар эпиилкэни уонна бактерияны булкуйбуттар. Ити түмүгэр ньирэй турар сирин күн аайы ыраастааһын аны наадата суох буолбут. Бактерия ньирэй хойуутунан уонна убаҕаһынан аһылыктанар, онон ити барыта сүтэн хаалар.
Ону таһынан эпиилкэни кытта булкуйуллубут бактерия сылааһы биэрэр. Инньэ гынан, ньирэйдэр турар сирдэрэ куруук кураанах уонна сылаас буолар. Бу технологияны туттуу түмүгэр ыарыы эмиэ биллэ аччаабыт.
Маннык инновацияны туһаныы үлэ көдьүүһүн биллэ улаатыннарар, ону таһынан бактериялар сыты суох оҥороллор. Онон, сибиинньэлээх, кууруссалаах дьон эмиэ туһанар кыахтаахтар.
4 киилэ бактерияны 12 кв. иэннээх сиргэ үс сыл устата туттуохха сөп.
Комментарии
Авторизация на сайте через социальные сети