Бары билэргит курдук, Өлүөхүмэ оройуонугар тайҕаҕа муммут түөрт саастаах Каринаны көрдөөһүн 11 күн салҕанан барбыта. Кыыһы булбуттарыттан үөрэн «Дьокуускай» аэропорт салалтата (генеральнай директор Николай Местников) кырачаан Карина кытаанах санаатын, олоххо тардыһыытын күүһүн үйэтитэн аэропорт иннинээҕи болуоссакка ыттаах кыыс скульптуратын оҥорон туруорарга эрэннэрбитэ. Ону тэҥэ кэлэктиип Карина ийэтинээн санаторийга эмтэнэригэр көмө оҥорбута, дьиэлэригэр көтөр борогуоннарын уйуммута.
Биир сыл буолан баран, Саҥа дьыл үүнээри турдаҕына аэропорт иннинээҕи болуоссакка «Ыттаах кыыс» скульптура баар буолла. Боруонса пааматынньыгы аэропорт сакааһынан эдэр скульптор Николай Чоччасов айан оҥордо.
Аэропорт кэлэктиибэ пааматынньык Дьокуускай куорат биир кэрэ-бэлиэ миэстэтинэн буолуоҕар эрэнэр.
Комментарии
Авторизация на сайте через социальные сети