ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
27 ноября 2015, 16:25

Ийэ күнэ – көлүөнэлэр бырааһынньыктара


Россияҕа Ийэ күнэ сэтинньи бүтэһик баскыһыанньатыгар бэлиэтэнэр. Ийэ күнэ – үйэлээх бырааһынньык. Ханнык баҕарар көлүөнэ хас биирдии киһитигэр ийэ – кини олоҕор кылаабынай киһи. Дьахтар ийэ буоллаҕына, бэйэтигэр үчүгэй хаачыстыбалары (үтүө санааланыы, истиҥ таптал, кыһамньы, тулуурдаах буолуу уонна бэйэни толук ууруу) арыйар.

Ийэ күнүн курдук саҥа бырааһынньык Россия хас биирдии ыалыгар сыыйа-баайа киирдэ. Ол үчүгэй: биһиги ийэлэрбитигэр күннэтэ истиҥ тыллары этэ сылдьыбыппыт да иһин, бырааһынньык күн ону хатылыырбыт, өссө күүскэ этэрбит хаһан да мэһэйдээбэт.

Ол да иһин, Ийэ күнүгэр аналлаах күн оскуола иннинээҕи саастаах оҕолор тэрилтэлэригэр уонна оскуолаларга тэрээһиннээхтик уонна хаһан да умнуллубаттык ыытыллаллар. Бу күн оҕолор ийэлэригэр үтүө тыллары уонна оҕолуу сайаҕас мичээрдэрин эрэ буолбакка, бэйэлэрин илиилэринэн оҥорбут бэлэхтэрин туттараллар.

Ийэ күнэ Россия бары регионнарыгар ыытыллар. Россия 60-тан субъегар ийэлэргэ кэккэ дипломнар, мэтээллэр, бочуоттаах бэлиэлэр олохтоннулар. Ону сэргэ бу күн оҕону дьоһуннаахтык иитиигэ уонна дьиэ кэргэн политикатын олоххо киллэриигэ ураты кылааттарын иһин наҕараадалары туттараллар. Биһиги дойдубутугар олохтоммут үгүс ахсааннаах бырааһынньыктар ортолоругар Ийэ күнэ ураты миэстэни ылар.

Манна сыһыаран эттэххэ, Европа үгүс дойдулара, АХШ, Канада, Кытай, Япония Ийэ күнүн ыам ыйын иккис өрөбүлүгэр бэлиэтииллэр.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 780 Источник: ЯСИА Автор: Надежда Егорова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ