Былааннаммыт ахсаантан 9 мөл 250 тыһ. устуука сымыыт атыыга барыахтааҕыттан, билиҥҥитэ 5 мөл. 576 тыһ. 640 устууканы атыылаатылар. Биир стандартнай сымыыт 7 солк. 50 харчыга турар, талыыта (отборнайа) - 8 солк.
Ньурбатааҕы көтөр фабрикатын бородууксуйата улуус бэйэтин иһигэр, ону таһынан ыаллыы Сунтаар, Бүлүү, Үөһээ-Бүлүү улуустарыгар, Дьокуускайга тиийэ хамаҕатык атыыланар. Билигин фабрикаҕа 41 тыһыынча сымыыттыыр куурусса баар. Сайын устата 700-чэкэ тонна комбикормунан хааччыныахтаахтар. 100 т кэлбит, сотору 380 т аҕалыллыахтаах. Онтон хаалбыта атырдьах ыйыгар кэлиэҕэ.
Ньурбатааҕы көтөр фабриката "Лучшее птицеводческое предприятие РС (Я)" ааты 2009 с. ылан турардаах. Оттон былырыын, 2014 с. үлэ түмүгүнэн фабрика үлэһитэ, 20-чэ сыл ыстаастаах, уопуттаах көтөрү иитээччи Андреева Альбина Михайловна "Лучший птицевод Республики Саха (Якутия)" үрдүк ааты ылбыта.
Күн бүгүн Ньурбатааҕы көтөр фабриката сайдыыга туһуламмыт үлэни, саҥа бырайыактары тиһигин быспакка ыытар.
Комментарии
Авторизация на сайте через социальные сети