ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
29 октября 2015, 12:08

Галина Данчикова Нам улууһугар тахсан үлэни-хамнаһы кытта билистэ


Ааспыт нэдиэлэҕэ СР Правительствотын председателэ Галина Данчикова Нам улууһугар тахсан тутулла турар социальнай объектарга сылдьан үлэ хаамыытын кытта билистэ.

photoByWidth&id=48208&width=1000

Кинини кытта СР Правительствотын председателин солбуйааччы Игорь Никифоров, доруобуйа харыстабылын министрэ Александр Горохов, үлэ уонна социальнай сайдыы министрэ Александр Дружинин, архитектура уонна тутуу комплексын министрэ Вера Кузакова, үөрэх министрин бастакы солбуйааччы Эдуард Кондратьев, экономика министрин солбуйааччы Данил Саввинов, «Нам улууһа» МТ баһылыга Александр Атласов уонна улууспут тэрилтэлэрин салайааччылара сырыттылар.

Галина Данчикова «Намнааҕы кырдьаҕастар уонна инбэлииттэр интернат-дьиэлэрэ» соцальнай тэрилтэҕэ сылдьан материальнай базаны көрдө, коллективы кытта көрүстэ. Кырдьаҕастар, инбэлииттэр олохторун-дьаһахтарын кытта билистэ, эминэн хайдах хааччыллалларын, тугунан дьарыктаналларын интэриэһиргээтэ. Граф Биэрэгэр айаннаан иһэн аара Илья Егорович Винокуров аатынан сквер тутуутун көрдө.

Граф Биэрэгэр «Моя Якутия в XXI веке» республикатааҕы хамсааһынынан 50 миэстэлээх уһуйаан тутуутун хаамыытын кытта билистэ. Салгыы эмиэ саҥа тутулла турар фельдшерскэй-акушерскай пууҥҥа сырытта. Уонна солбуйааччытыгар Игорь Никифоровка, архитектура уонна тутуу комплексын министригэр Вера Кузаковаҕа, доруобуйа харыстабылын министригэр Александр Гороховка үлэ үрдүк хаачыстыбалаахтык ыытылларыгар, болдьоҕор үлэҕэ киллэриллэригэр болҕомтолорун ууралларыгар сорудахтаата.

Мантан салгыы Партизан нэһилиэгэр ахсынньыга үлэҕэ киириэхтээх 165 миэстэлээх оскуола тутуутун уонна 1 Хомустаахха тутулла турар уһуйааны көрдүлэр. Галина Данчикова оскуола тутуута графиктан кыратык хаалан иһэрин бэлиэтээн туран, оскуола тиэргэнин тупсарыы үлэтин эһиил саас ыыталларыгар эттэ. 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 661 Источник: ЯСИА Автор: Семен Аргунов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ