- Суол быраабылатын Хаандыга орто оскуолатын оҕолоро үчүгэйдик билэллэр эбит. Бэлисипиэтинэн эрийэ-буруйа айаннааһыҥҥа суол тутааччылар олорор Теплай Ключ сэлиэнньэлэрин оҕолоро бастаатылар. Бастакы суһал көмөнү оҥорууга гимназистар ордук бэлэмнээхтэр эбит. Эстафетаҕа Хаандыга орто оскуолатын оҕолоро биэтэккэ бастакынан кэллилэр. Суол быраабылатын билиигэ айар күрэскэ ким ыллаата, ким хоһоон аахта. Хаһыаттары оҥорон аҕалбыттар. Кириэс Халдьаайы орто оскуолатын оҕолоро Кыһыл Бэргэһэчээни кытта оонньоон көрдөрдүлэр уонна кыайдылар.
- Уопсай түмүккэ Теплай Ключ оҕолоро иккис сылларын бастаатылар. Чемпионнар - Вика Иванова (капитан), Аня Лысенко, Витя Милочкин уонна Руслан Улезько. Иллэрээ сыллааҕы чемпионнар – кириэс-халдьаайылар иккис буоллулар. Оскуола аатын Ангелина Герасимова, Лена Неустроева, Ларик Софронов (капитан) уонна Стас Охлопков көмүскээтилэр.
- Кыттааччыларга барыларыгар бэлэх биэрдилэр. Миэстэлэспиттэр мэтээл, грамота ыллылар. Бэлисипиэти «Светлячок» оҕолору реабилитациялыыр киин хамаандатыттан Любомир Львовка бэлэхтээтилэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети