- Кыргыттар актыыбынай ыччаты түмэ тартылар уонна күүстээхтик үлэлииргэ бэлэмнэр. Түмсүү тэриллэригэр улуус дьаһалтатын дьыалаларын дьаһайааччы Спиридон Борбуев уонна ыччат лидерэ Прасковья Тимофеева күүс-көмө, өйөбүл буолбуттара.
- «Тэтим» түмсүүнү ахсынньы 11 күнүгэр сүрэхтиэхтэрэ. Ол курдук, талааннаах ыччат күүһүнэн концерт буолуоҕа. Мантан киирбит үбүнэн доруобуйаларынан хааччахтаах оҕолорго саҥа дьылааҕы бэлэхтэри атыылаһан туттарар баҕа санаалаахтар. Ону тэҥэ, оҕолорго умнуллубат Саҥа дьылы бэлэхтиир туһуттан улуус предпринимателлэрин бииргэ үлэлииргэ ыҥыраллар.
- Саҥа түмсүү былаана киэҥ. Нэһилиэктэринэн сылдьан ыччаты кытары көрсөн кэпсэтэр, чөл олох туһунан семинардары, эҕэрдэ концертары ыытар былааннаахтар. Ону таһынан, ыаллыы сытар улуустар ыччаттарын кытары сибээһи тутуһар, доҕордоһор сыаллаахтар.
- «Улууспут эдэр ыччатын «Тэтим» түмсүүгэ киирэргитигэр, актыыбынай олоххо кыттыһаргытыгар ыҥырабыт! Интэриэһиргээбит буоллаххытына, 8-965-994-84-41 нүөмэринэн билсиэххитин сөп», - диэн «Тэтим» түмсүү чилиэннэрэ ыҥыраллар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети