ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
7 декабря 2015, 11:04

Дьахталлар хамсааһыннара: түмсүүлээх буолуу – биһиги күүспүт


Томпо оройуонугар алтынньыга «Россия Ийэлэрэ» Бүтүн Россиятааҕы общественнай хамсааһын Саха сиринээҕи отделениетын Томпотооҕу салаата тэриллибитэ. Сэбиэт састаабыгар социальнай харалта, опека, культура, үөрэх уонна доруобуйа харыстабылын эйгэлэриттэн 29 актыбыыс дьахтар киирбитэ. Сэбиэт бэрэссэдээтэлинэн Назаренко Оксана талыллыбыта.

Дьахталлар бастакы мунньахтара алтынньы 5 күнүгэр буолбута. Онно үлэ сыала, хайысхалар быһаарыллыбыттара. Ол курдук, юридическэй боппуруостарга, социальнай, бөһүөлэги тупсарыыга, чөл олох, ыччат, приюту, оскуолалары, оскуола иннинээҕи тэрилтэлэри, тэрилтэлэри кытта үлэ хайысхалара бэлиэтэммиттэрэ. Хамсааһыҥҥа киирэн кыттар дьахталлар хайа бөлөххө үлэлииллэрин бэйэлэрэ талаллар, ордук туһалаах буолуоҕун быһаараллар. Билигин Томпотооҕу салаа оройуон бары нэһилиэктэрин хабар. Хас биирдиилэригэр бөлөхтөр тэрилиннилэр. Бөлөхтөр салайааччыларын кытта сүрүн көрсүһүүлэр ый ахсын биирдэ ыытыллаллар.

photoByWidth&id=51317&width=1000

Бу кэм устатыгар «Россия Ийэлэрэ» салаата кэккэ көстөр-биллэр тэрээһиннэри ыытта. Ол курдук, Томпотооҕу гимназияҕа «Билиҥҥи кэмҥэ дьахтар оруола» тиэмэҕэ кылаас чааһа ыытылынна. Манна батах кырыйааччыны уонна дьахтар бырааһын ыҥырдылар, социальнай дьаарбаҥка тэрилиннэ, «Светлячок» приют коллектива кыттыыны ылла. Оройуон баһылыгын социальнай боппуруостарга солбуйааччы Петр Новгородову кытта Дьабарыкы Хайа бөһүөлэгиттэн сылдьар Сорокиннар дьиэ кэргэн саҥа төрөөбүт оҕолорун үөрүүлээхтик атаарыыны ыыттылар. Спонсордардар кытта көһүннүлэр. «Тирэх» маҕаһыыҥҥа (ИП Любовь Местникова) саҥа төрөөбүт киһиэхэ бэлэх иһин, урбаанньыттар Светлана Куксоваҕа – полиграфическай көмөтүн иһин, Альбина Свечкинаҕа – «Алло, биһиги талааннары көрдүүбүт» куонкуруска минньигэс бирииһин иһин махтаналлар.

Салаа кыттыылаахтара бөһүөлэк культурнай кииннэригэр ыытыллар араас тэрээһиннэргэ кыттарга ыҥырыылары үөрүүнэн ылаллар. Ийэ күнүн иннинэ «Ийэҕин эҕэрдэлиири умнума» акция ыытыллыбыта, оҕо саадтарыгар, оскуолаларга, почтаҕа, тэрилтэлэргэ открыткалар, эҕэрдэлэр тарҕатыллыбыттара.

«Россия Ийэлэрэ» дьахталлар бары араҥаларын өйүүр уонна көмүскүүр. Ураты болҕомтону ыарахан олохтоохторго уураллар. Аналлаах сулууспалары, фондалары кытта бииргэ үлэлииргэ сибээһи олохтууллар. Тэрилтэ көмөтүнэн аҥардас ийэлэр, элбэх оҕолоох ийэлэр, огдооболор, инбэлиит оҕолоох дьахталлар туһаныахтарын сөп. Хайыы-үйэ элбэх оҕолоох аҥардас дьахталлар, соҕотох аҕа, инбэлиит оҕону иитэр ийэ көрдөһүү түһэрдилэр. Кинилэри кытта кыһалҕаларын быһаарарга, онтон тахсар суолу көрдүүргэ үлэлэ ыытыллыа. Ол эрээри үгүс дьахтар көмө көрдүөҕүн кыбыстар. Элбэх оҕолоох ыалларга бэйэлэрэ телефоннууллар. Үгүстэргэ үбүнэн-харчынан эрэ буолбакка, өй-санаа өртүнэн өйөбүл олус наада.

Кылгас кэм иһигэр хамсааһын чилиэнинэн 115 ийэ буолла. Хамсааһыҥҥа ылар туһунан сайабылыанньалар киирэ тураллар. 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 769 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ