- Үөрэнээччилэри кытта көрсүһүүлэр истиҥ быһыыга-майгыга аастылар. Ыалдьыттар алын кылаас учуутала Ньургустаана Дмитриева Сэмэн Тумат «Туундара оһоҕо» кэпсээнигэр анаммыт аһаҕас уруогар сырыттылар. Оҕолор тиэмэлэрин төһө өйдөөбүттэрин бэрт кылгастык кэпсээн биэрбиттэрин астына иһиттилэр. Народнай суруйааччы Сэмэн Тумат кэпсээн ис хоһоонун үчүгэйдик ырыппыттарын этэн туран, литература сайдарыгар дьаныһан дьарыктаныы ирдэнэрин ыйда.
- Ол кэнниттэн суруйааччылар кылаас чаастарын ыытан айар үлэ кистэлэҥнэрин кэпсээтилэр, хоһоон аахтылар, оҕолор ыйытыыларыгар эппиэттээтилэр.
- Киэһэ оскуола саалыгар литератураны таптааччылары кытта көрсүһүү буолла. Үөрүүлээх түһүлгэни Хара оскуолатын дириэктэрэ Николай Бугаев аста. Кинилэр ыҥырыыларын ылынан кэлбит суруйааччыларга истиҥник махтанна, айар үлэлэригэр ситиһиини баҕарда, бэлэх туттарда. Маннык көрсүһүүлэр оҕо литератураны интэриэһиргии улаатарыгар төһүү буоларыгар эрэнэрин эттэ. Суруйааччылар Сэмэн Тумат, Урсун, Уйбаан Ойуур, Степан Марков уонна Василий Сидоров айар үлэлэрин уонна литература билиҥҥи туругун туһунан кэпсээтилэр.
- Оскуола дириэктэрин солбуйааччы Афанасий Илларионов үөрэнээччилэри суруйааччылары кытта сирэй көрүһүннэрии, тылларын-өстөрүн иһитиннэрии, кинилэр айымньыларынан аһаҕас уруоктары ыытыы наадалааҕын ыйда уонна инниктин үтүө үгэскэ кубулуойуоҕар эрэнэрин биллэрдэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети