ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
2 ноября 2015, 15:25

«Уран тыл умсулҕана» түмсүү айар дьоҕур, тылбаас тула санаа атастаста


«Уран тыл умсулҕана»диэн айар дьоҕурдаахтары, ырытааччылары, тылбаасчыттары түмэр түмсүү модельнай библиотека иһинэн саҥа тэриллэн үлэтин саҕалаан эрэр. Түмсүү Литература сылыгар төрүттэммитэ кэрэхсэбиллээх.

Бөдөҥ нэһилиэк икки оскуолатын учууталлара бары бииргэ үлэлииллэр. Түмсүү үлэтигэр араас идэлээх учууталлар, ол курдук нуучча тылын, литературатын учууталлара Иванова Анна Дорофеевна, Григорьева Любовь Николаевна, Афанасьева Варвара Алексеевна, Эверстова Людмила Степановна, Новикова Матрена Васильевна, Григорьева Кыыдаана Дмитриевна, эдэр учуутал Ноговицына Елена Евгеньевна, саха тылын, литературатын учууталлара Самсонова Светлана Николаевна, Васильева Евдокия Николаевна, Корнилова Екатерина Ивановна, Софронеева Мария Николаевна, библиотекарь Новикова Ксения Егоровна, омук тылын учууталлара Павлова Татьяна Степановна, Егорова Лена Афанасьевна кыттыыны ылаллар.

 «Тылбаас кыһата» диэн бу түмсүү биир салаатынантылбаасчыттар сүрүн сыалларынан олохтоох автордар, Кэбээйиттэн төрүттээх суруйааччылар айымньыларын тылбаастыырга холонуу, дьулуһуу буолар.

Уопуттаах учууталбыт Иванова Анна Дорофеевна тустаах дьоҥҥо анаан - минээн тылбаастыылларыгар сүбэ - ама биэрэр, көмөлөһөр, тылбаас эйгэтин биир сүрүн көҕүлээччитинэн буолар. Маннык ытыктанар учууталлар эдэр учууталлар, саҕалаан иһэр дьон сайдалларыгар тирэх буолаллар.

Тылбаасчыттар Григорьев Василий Алексеевич - Сэһэн “Дьоллоох буолуҥ, дьонум - сэргэм” диэн ырыалара, хоһоонноро, ахтыылара киирбит кинигэтигэр олоҕуран үлэлэрин саҕалаатылар. Василий Алексеевич бииргэ төрөөбүт эдьиийэ Матрена Алексеевна Григорьева уопсайа 7 кинигэ хаалбытын тылбаасчыттарга уонна библиотекаларга бэлэхтээтэ. Бу кинигэни бииргэ төрөөбүт эдьиийэ үрдүк категориялаах, СӨ үтүөлээх учуутала, педагогическай үлэ бэтэрээнэ Татьяна Алексеевна Григорьева Бүлүү типографиятыгар таһаартарбыта.

Алтынньы 27 күнүгэр автор Василий Григорьев айымньытын тула сэһэргэстибит. Им И. Н. киирии тылга үйэтитии үлэлэригэр сүрүн болҕомтону ууран, баар кыаҕы холбоон, айымньылаахтык үлэлииргэ сыал - сорук туруорда. Валентина Кондакова - Айтыына «В. А. Григорьев - Сэһэн» диэн анабыл хоһоонун аахта, санаа атастастыбыт.

Сиэгэн Күөлтэн төрүттээх Ксения Егоровна Новикова “Сэбээн Күөл” хоһоонун нууччалыы тылбаастыырга холоно сылдьарын,  В. Григорьев тылыгар, Р. Степанов мелодиятыгар “Үрүҥ түүн” ырыатын сөбүлүүрүн биллэрдэ.

Аграфена Семеновна Павлова: “Автор кинигэтигэр дойдуну таптыыра, ахтара ойууланар”.  Ийэтигэр анаабыт хоһоонун биһириирин эттэ, табыллыбатах таптала ааҕааччыны долгутарын эттэ. Бу кэпсэтиинэн сибээстээн Василий Григорьевы үйэтитэр үлэҕэ кытталларын туһунан “Кырдал” түмсүү чилиэннэригэр тиэрдиэх буолла.

Любовь Николаевна Григорьева “Сайылык” диэн Василий Григорьев тылыгар, мелодиятыгар ырыатын нууччалыы тылбааһын ааҕан да, ыллаан да иһитиннэрдэ. Хоһоон тутулун, тылын уларыппакка, “алдьаппакка” эрэ “Күбэйэ” ансаамбылга анаан тылбаастаабыт.

Иванова Анна Дорофеевна Эйигин соһуччу көрөммүн...” диэн автор тылыгар, Р. Степанов мелодиятыгар ырыаны тылбаастаабытын иһитиннэрдэ. “Ырыатыгар төһө сөп түбэһэрин билбэппин”, - диир тылбаасчыт. Василий Григорьев аата суох хоһоонун тылбаастыырыгар“Незнакомка” диэн ааттаабыт. Автортан уратыта диэн строката суох, үргүлдьү суруйбут. “Ийэбэр” диэн хоһоонун “Посвящение матери” диэн ааттаан тылбаастаабыт. Анна Дорофеевна тылбаас көрүҥнэрин, араастарын туһунан билиһиннэрдэ, түмсүүгэ баар тылбаасчыттар “белый стих” диэн ньыманы туттан үлэлииллэрин быһаарда.

Аграфена Павлова Альбина Сыралыма тылбаастыырга сүбэлэриттэн билиһиннэрдэ.

Иванова Антонина Алексеевна араас күрэхтэр балаһыанньаларын билиһиннэрдэ, айар дьоҕурдаах дьон кытталларыгар, ааҕааччылары көҕүлүүллэригэр ыҥырда.

Новикова К. Е. сэтинньи ыйга Андрей Кривошапкиҥҥа, Платон Ламутскайга, Василий Кейметинов - Барҕачааҥҥа аналлаах “Дьүкээбил суһумун анныгар” тиэмэтическэй биэчэри библиотекалар кыттыһан тэрийэллэрин туһунан биллэрдэ. Платон Ламутскай “Сир иччитэ” романын тула ааҕааччыларга аналлаах конференцияны тэрийэргэ сыал - сорук туруорда. Иван Арбита “Ардах иннинэ” диэн хоһоонун Сэһэн Баһылай итинник ааттаах 1969 сыллаахха суруйбут хоһоонун кытта тэҥнээн ырытарга ыҥырда.

Түмүгэр уопсай сыал - сорук ылынныбыт:

1.       Үйэтитии үлэтин салҕыырга.

2.       “Дьүкээбил суһумун анныгар”тэрээһиҥҥэ көхтөөх кыттарга.

3.       Платон Ламутскай “Сир иччитэ” кинигэтин нэһилиэнньэттэн библиотекаларга уларсан ааҕааччыларга сырдатыы үлэтин ыытарга.

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 729 Источник: ЯСИА Автор: И.Н.Им Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ