ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
9 ноября 2015, 10:27

Солоҕон нэһилиэгэр олоҥхону уонна муҥханы хардарыта дьүөрэлээтилэр


Горнай улууһун Солоҕон нэһилиэгэр олоҥхоһут Алексеев С.Г.-Уустарабыс 115 сааһыгар аналлаах научнай –практическай конференция киэҥ хабааннаахтык, үрдүк таһымнаахтык тэрилиннэ.

Тэрээһиҥҥэ  республикатааҕы «Олоҥхо» Ассоциациятын эппиэттиир сэкиритээрэ, Олоҥхо  республикатааҕы киинин улэһитэ, П.А.Ойуунускай аатынан бириэмийэ лауреата, Е.Н.Протодьяконова, эмиэ бу киин үлэһитэ Флегонтова У.М., .  Гуманитарнай  чинчийии уонна  аҕыйах ахсааннаах хотугу норуоттар проблемаларын үөрэтэр институ фольклорга секторын научнай  сотруднига  Данилова А.Н., М.К.Аммосов аатынан Хотугулуу-илиҥҥи федеральнай университет доцена,  ф.н.к.Попова Г.С.-Санаайа, республика биллиилээх олоҥхоһута  Исаков В.Г.кэлэн кыттыыны ылан, олоҥхобут  инники кэскилин түстэһэр тэрээһиммитигэр кыттан барбыттара конференция таһымын үрдэттэ, суолтатын дириҥэттэ.

 

photoByWidth&id=49011&width=1000

Конференцияҕа барыта 120 киһи кытынна, ол  иһигэр 70-на дакылааты ааҕыы, олоҥхо толоруутун секцияларыгар кытыннылар. НПК тэрээһинигэр улахан үлэни Басхардырова Н.Е. салайааччылаах С.И.Тарасов аатынан Өрт орто оскуолата ыыппытын, Солоҕон нэһилиэгиттэн тэрээһиҥҥэ элбэх оҕо,улахан дьон кыттыбыта  биир дойдулаах  олоҥхоһуппутугар  Уустарабыска ытыктабыллаах сыһыан туоһута буолар.

                  Конференцияҕа Алексеев С.Г.-Уустарабыс туһунан кини олоҕун, олоҥхолуур дьарыгын сырдатан РФ  суруйааччыларын союһун чилиэнэ Тарасов А.А. киэҥис хоһоонноох дакылаат оҥордо, «Олоҥхо» Ассоциациятын улуустааҕы филиалын үлэтин - хамнаһын Культура  уонна духуобунай сайдыы управлениетын специалиһа, филиал эппиэттиир сэкиритээрэ Семенова Е.А. сырдатта. Кэлбит ыалдьыттар маннык дакылааттары иһитиннэрдилэр:

- Данилова А.Н. « Горнай олоҥхоһуттарын үөрэтии историятыттан» 

-Протодьяконова Елена Николаевна.  «Олоҥхону харыстааһыҥҥа, үйэтитиигэ «Олоҥхо» Ассоциациятын общественнай тэрилтэ ыытар үлэтин хайысхалара».   

 - Попова Галина Семеновна-Санаайа.  Алексеев С.Г.- «Уустарабыс «Дьэбириэлдьин Бэргэн» олоҥхотун уратыта».

 - Флегонтова Ульяна Михайловна «Тиһигэ быстыбат этнокультурнай үөрэхтээһиҥҥэ  олоҥхо суолтата».

Итини таһынан,  тэрээһин кыттыылаахтара  бүгүҥҥү күн олоҥхоһута  Валентин Исаков  олоҥхотун  тутан олорон  эт кулгаахтарынан истэр чиэскэ тигистилэр.

photoByWidth&id=49012&width=1000

            Конференция  дакылааттары истии,  олоҥхону үгэс буолбут ньыманан толоруу секцияларынан, оҕолорго, улахан дьоҥҥо  диэн  үлэлээтэ.

Оҕолорго дакылаат ааҕыытыгар С.И.Тарасов аатынан Өрт орто оскуолатын үөрэнээччилэрэ конференцияҕа үчүгэй бэлэмнээхтэрин көрдөрдүлэр:

1 миэстэ - Стручкова Айта, 7 кл.сал.Васильева Т.А.

2 миэстэ - Павлов Айталю 7 кл. сал.Егорова А.С.

3 миэстэ – Тарасов Роберт 10 кл. сал.Тарасова Т.А.

Лукин Толя Өрт орто оскуолатын 8 кл үөрэнээччитэ олоҥхоһут аймахтарын анал бириистэрин  планшетка тиксэн үөрдэ-көттө. 

Улахан дьоҥҥо дакылааттары истии секцияларыгар 1 миэстэни С.И.Тарасов аатынан Өрт оскуолатын алын сүһүөх кылаас учуутала А.М.Захарова «Алын кылаас оҕолоругар олоҥхо уус-уран тылынан айылҕаны таптыырга иитии» , 2 миэстэни Кииннэммит библиотечнай ситим библиограба А.И.Заровняева «Уустарабыс аатын үйэтитиигэ библиотека үлэтэ», 3 миэстэ –Егорова А.С.

«С.Г.Алексеев –Уустарабыс төрүччүтэ» үлэлэрэ үрдүктүк сыаналаннылар.

         Оҕолорго олоҥхону толорууга Өрт оскуолатын 11 кл. үөрэнээччитэ Петя Сидоров Уустарабыс «Дьэбириэлдьин Бэргэн» олоҥхотун толорон бастаата,2-с миэстэни Өрт оскуолатын 8-с кылааһын үөрэнээччитэ Уйгулаана Алексеева, 3-с миэстэни Л.Харитонов аатынанМаҕарасорто оскуолатыттан 6 кл.үөрэнээччитэ Адетта Андреева ыллылар.

        Улахан дьоҥҥо Маҕаны нэһилиэгиттэн Дарья Алексеева Н.Тарасов «Бүдүрүйбэт  Нүһэр Бөҕө» олоҥхотун толоруута үрдүктүк сыаналанна.2-с миэстэни уонна олоҥхоһут аймахтарын анал бириистэрин ЖК телевизоры «Ромашка» детсад эдэр уһуйааччыта Прасковья Тарасова  П.А.Ойуунускай «Дьулуруйар Ньургун Боотур» олоҥхотуттан  толорон ылла,  3-һү Кировскай нэһилиэгиттэн «Ала буурай аттаах Ала Туйгун бухатыыр» диэн Н.Тарасов «Күн Эрили» олоҥхотуттан толорон Степан Терентьев ылла.

photoByWidth&id=49013&width=1000

         Иккис күнүгэр конференция кыттыылаахтара сарсыарда эрдэттэн турунан Чөҥкөчөх эбэтигэр тиийэн муҥхалаатылар.

         photoByWidth&id=49015&width=1000

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 764 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ