«Биһиги собуоппут сылга 20-80 ат күүстээх сүүһүнэн тыһыынча тракторы, онно холбонор, кэтэрдиллэр тэрили оҥорон таһааран уонтан тахса дойдуга атыылыыр, - диир тойон Вэйшунь Хан. - Россияҕа ордук хото Саха Республикатын сэргэ Бурятияны, Краснодар кыраайын кытта үлэлэһэбит. Биһиги специалистарбыт туһанааччылартан киирэр этиилэргэ, бэлиэтээһиннэргэ болҕомтолорун уураллар, бүгүҥҥү күн ирдэбилигэр эппиэттиир техниканы оҥорорго ону учуоттууллар».
Кытайтан сылдьар ыалдьыттар Нам улууһугар тахсан I Хомустаах нэһилиэгэр сылдьан Роман Леонтьев ходуһатыгар «Синтай» трактор, от охсор тэрил үлэтин көрдүлэр. Тыа сирин олохтоохторо техниканы тупсарыыга бэйэлэрин этиилэрин киллэрдилэр, тракторы оҥорооччуларга дьоҕус, уматыкка кэмчи техника иһин махтаннылар.
Тойон Вэйшунь Хан «Туймаада-Лизинг» компанияҕа олус туһалаах сырыы иһин махтанна уонна «Күүлэй-2015» XII республикатааҕы күрэстэһии кыайыылааҕар бириискэ «Синтай» тракторы туруорарда.
Комментарии
Авторизация на сайте через социальные сети