Уруулга олорооччулар эппиэтинэстэрин үрдэтэр сыалтан накаастабыл миэрэни кытаатыннардылар

Бүгүҥҥүттэн, от ыйын 1 күнүттэн, РФ Холуобунай кодексатыгар уларыйыылар киирэн, 264.1 диэн ыстатыйа эбиллэн биэрдэ.

Бу ыстатыйа ирдэбилинэн, урут уруулга итирик олорон, административнай накаастабылга түбэспит киһи хаттаан оннук туруктаах тутулуннаҕына, холуобунай эппиэккэ тардыллар. Эбэтэр массыынатын итирик ыыта сылдьан, суол быһылаанын таһааран, дьону эчэппит биитэр сэрэҕэ суохтан өлүүгэ тиэрдэн, сууттана сылдьыбыт буоллаҕына эмиэ.

Маныаха бу 264.1 ыстатыйа накаастабыл миэрэлэринэн буолаллар: аччаабыта – 200 – 300 тыһ. солк. суумалаах биитэр сууттаммыт киһи биир сылтан икки сылга диэри кэмҥэ ылбыт хамнаһын, атын дохуотун кээмэйин саҕа ыстараап, эбиитин үс сылга диэри болдьоххо тустаах дуоһунастарга үлэлиир бырааба быһыллар; улааппыта – икки сылга диэри көҥүлү быһыы уонна эмиэ үс сылга диэри болдьоххо тустаах дуоһунастарга үлэлиир быраабын быһыы.

Бу күҥҥэ диэри итинник буруйдар иһин административнай миэрэ туттуллан, суоппар үс сылга диэри болдьоххо массыына ыытар бырааба быһыллара уонна 50 тыһ. солк. ыстараап төлүүрэ (РФ АК 12.8-с ыст. 4 чааһа). Арааһа, ити миэрэлэр сымнаҕас буолан быһыылаах, суол быраабылаларын кэһии сылтан сыл элбии турар. Ол курдук, Россия ГИБДД-тын иһитиннэриитинэн, ааспыт 2014 сылга киһи өлүүлээх “итирик” суол быһылааннарын көрдөрүүтэ 47,8 %-ҥа тиийэ үрдээбит -- дойду үрдүнэн 3 420 киһи өлбүт.

Итинник ыар содуллаах суол саахаллара элбиир чинчилээхтэрин иһин, уруулга олорооччулар эппиэтинэстэрин үрдэтэр сыалтан накаастабыл миэрэни кытаатыннарарга күһэлиннилэр.

При частичном или полном использовании материалов гиперссылка на сайт ysia.ru обязательна.

Категория: Общество Просмотров: 981 Источник: ЯСИА Автор: Вера Макарова

Версия для печати

Вернуться на главную

Подписаться на обновления

Комментарии Добавить комментарий

getrsa fararea 8 января, 16:04 Ответить

the introduction and tightening of criminal liability under Article 264.1 Poor Bunny is a necessary and justified response. By increasing fines, extending driving bans, and imposing restrictions on employment and freedom, the law aims to raise personal responsibility and create stronger consequences for dangerous behavior.