ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
8 сентября 2015, 11:37

Кытай инвестордара Өлүөнэ өрүһү туоруур муостаны тутууну олус интэриэһиргээтилэр


Кытай инвестордара Өлүөнэ өрүһү туоруур массыына уонна тимир суоллаах муостаны тутарга улахан интэриэстээхтэрин биллэрдилэр. Ити туһунан КНР дьыалабыай эргимтэтин бэрэстэбиитэллэрэ Владивостокка буолан ааспыт илиҥҥи экономическай форумҥа эттилэр.

 Росавтодор "Дороги России" салайааччыта Иван Григорович бу экономика эрэ өттүнэн буолбакка, география, геология уонна климат өттүнэн судургута суох бырайыак буоларын бэлиэтээн эттэ. "Өлүөнэ өрүһү туоруур муоста сылы эргиччи тырааныспар сырыытын хааччыйар тутаах суолталаах ", - диэтэ кини.

photoByWidth&id=43783&width=1000

РФ үөскэтэр усулуобуйатын быһыытынан, муостаны тутуу ороскуотун улахан ирээтэ чааһынай инвестордарга (концессионерга) сүктэриллиэхтээх. "Өлүөнэ өрүһү туоруур муостаны тутуу кэмигэр концессионер тус бэйэтин уонна иэс үбүн-харчытын туһаныахтаах. 2021 сылтан саҕалаан РФ ити ороскуоту толуйуохтаах", - диэтэ Григорович.

Бырайыактааһыны уонна тутууга хапытаалынай ороскуоту сабаҕалаан аахтахха, 60 млрд солк. туттуллуохтаах. "Биһиги ааҕыыбытынан, бырайыактааһыҥҥа уопсайа  икки, тутууга - түөрт сыл барыахтаах. Россия тутуу, монтаж үлэтигэр үбү-харчыны көрүөхтээх.  Ол кэнниттэн  аҕыс сыл устатыгар концессионер ороскуотун толору толуйуохтаах. Эбийиэк ситэри үлэлээн киирэн бардаҕына, үлэни толорооччу төлөбүрү ылыахтаах", - диэн кини чуолкайдаата.

Россия өттүттэн сакаасчытынан Росавтодор буолуоҕа, эбийиэги тутуу, үлэлэтии федеральнай бюджеттан үбүлэниэхтээх. 

 Кытай дьыалабыай эргимтэтин бэрэстэбиитэллэрин кытта Өлүөнэ өрүһү туоруур муостаны туттуу туһунан аан бастаан быйыл сайын Хэйлунцзян делегацията кэлэ сырыттаҕына билиһиннэрбиттэрэ. "Тимир суол Аллараа Бэстээххэ кэлэн турар буоллаҕына, тимир суоллаах муостаны биһиги тутарбыт тоҕо сатамматый?", - диэн Кытай бэрэстэбиитэлэ ыйыппыта.

Кытай бизнесменнэрэ этэллэринэн, кинилэр Саха сирин тэрилтэлэрин кытта сибээһи номнуо  олохтообуттар. "Дьокуускайга кэлэ сылдьан "ЯТЭК", "Сахатранснефтегаз" тэрилтэлэри кытта хардарыта дьайсыылаах бырайыактары былааннаабыппыт», -  диэбитэ компания үлэһитэ.

Көрсүһүү түмүктэниитэ Россия уонна Кытай хардарыта дьайсыылаах үлэ графигын оҥорсуох буолан дуогабардастылар. "Биһиги бу бырайыагы интэриэһиргээбиппит туһунан туһулаан этиини Росавтодорга киллэриэхпит", - диэтилэр Кытай бэрэстэбиитэллэрэ.

 

При частичном или полном использовании материалов гиперссылка на сайт ysia.ru обязательна.
Категория: Экономика Просмотров: 793 Источник: ЯСИА Автор: Руслан Басыгысов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ