Онно суруйалларынан, медколледж дьиэтин таһыгар 50-ча нуучча ыччата кэлэн, сахалары таһырдьа таһаарбакка манаан тураллар, полиция массыыната ону кэтээн турбута икки күн буолбут. Ити кырдьык дуо, төрдө-төбөтө туохханый?
РФ ИДьМ-тын СӨ ИДьМ-тын пресс-сулууспата:
- Бу дьыл сэтинньи 2 күнүгэр Алданнааҕы ис дьыала отделын дьуһуурунай чааһыгар иһитиннэрии киирбит. Алданнааҕы политехническэй техникумҥа үөрэнэр 16 саастаах студены кырбаабыттарын туһунан. Бу чахчынан барыллаан быһаарыынан, кинини билбэт уола кырбаабыт. Ити быһылаан Алданнааҕы медколледж дьиэтин таһыгар буолбут. Ити кэнниттэн кырбаабыт уолу кэһэтэн биэриэххэ диэн социальнай ситимнэринэн ыҥырыы тарҕанан, медколледжка үөрэнэр уол буолуо диэн, ол үөрэх тэрилтэтин дьиэтин таһыгар ыччат мустубут. Ол эрэн, полиция үлэһиттэрин көрөннөр, тарҕаспыттар. Билигин бу ыччат кимнээхтэрэ биллэн, кинилэргэ туһулаан бэрэбиэркэ бара турар. Оттон студены кырбааһыҥҥа уорбаланааччы кимэ эмиэ билиннэ, политехническэй техникумҥа үөрэнэ сылдьыбыт студент эбит.
Комментарии
Авторизация на сайте через социальные сети