- Сквер уруккута «Кировскай» сопхуос икки этээстээх мас хонтуоратын тэлгэһэтигэр ДЭС эппиэттээх үлэһитэ Петр Бессонов оҥорбут эскиһинэн тутулунна.
- Култуура эйгэтигэр уһун сылларга үлэлээбит, СӨ үөрэҕириитин туйгуна Александра Кривошапкинасиэри-туому толорон, аал уоту оттон, арыылаах алаадьынан, уохтаах кымыһынан аһатан, айыылартан көрдөһөн, алгыс тылын эттэ.
- Тэрээһин үөрүүлээх чааһын орто оскуола үөрэх чааһын сэбиэдиссэйэ Прасковья Макарова иилээн-саҕалаан ыытта. Бастакынан тылы нэһилиэк баһылыгар Евдокия Заболоцкаяылла. Кини миитиҥҥэ кэлбит дьону Албан аат скверэ аһыллыбытынан итиитик-истиҥник эҕэрдэлээтэ. «Ким да умнуллубат, туох да умнуллубат» диэн девиһинэн салайтаран, сэрии, тыылбэтэрээннэригэр анаан, кинилэр сырдык ааттара үйэлэргэ өлбөөдүйбэтин диэн бу сквер оҥоһулунна диэтэ, кини уруһуйдьут Петр Бессоновка бочуотунай грамота, харчынан бириэмийэ туттарда. Сквер тутуутугар үлэлээбит Н. Хаджимуратовка, И. Готовцевка, А. Бугаевка хас биирдиилэригэр Бочуот грамотатын уонна сэрии, тыыл бэтэрээннэригэр анаан тахсыбыт «Үтүө дьон аата – үс үйэни уҥуордаатын» диэн кинигэни бэлэхтээтэ.
- Салгыы нэһилиэк бэтэрээннэрин сэбиэтин бэрэссэдээтэлэ П.Н. Захаров, Сиэгэн Күөл сэлиэнньэтигэруһун сылларга учууталынан үлэлээбит, билигин Дьокуускай куоракка олорор Г.Н. Дьяконова, ыччат лидиэрэ О.И. Петрова тыл эттилэр. Кинилэр бу үйэлэргэ умнуллубат Кыайыыга анаммыт үлэ өссө да салҕанан бара туруо диэтилэр.
- Сквер тас өттүнэн күрүөлэммит. Аны күһүн тулатыгар хатыҥ олордуллуоҕа, сирэ дэхсилэнэн, сквергэ тиийэ цемент кутуллуоҕа, ыскамыайкалар,араас өҥнөөх сиэдэрэй сибэккилэр кэккэлэһиэхтэрэ.
- Улуу сэрии буойуттара, сэрии саҕана «Киров» холкуоска үлэлээн, килбиэннээх үлэлэрин иһин И.В. Сталин төбөлөөх мэтээли ылбыт оччотооҕу ытык кырдьаҕастарбыт, онтон кэлин 1934-1935 сс. ахсынньы 31 күнүгэр диэри төрөөбүттэргэ эмиэ тыыл бэтэрээнэ диэн бочуоттаах ааты иҥэрэн туран “1941-1945сс.АҕадойдунукөмүскүүрУлуусэриикэмигэркилбиэннээхүлэтиниһин” мэтээли ылбыттар толору ааттара-суоллара, төрөөбүт, суох буолбут сыллара мраморнай билиитэҕэ суруллан ыйаммыттарын көрөн, үөрүүлээх миитин кыттыылаахтара, өлбүт буойуттар, тыыл бэтэрээннэрин оҕолоро, сиэннэрэ, хос сиэннэрэ улаханнык астыннылар, дуоһуйдулар.
- Өлбүт буойуттарга, тыыл бэтэрээннэригэр ананан тутуллубут Албан аат скверигэр тыыннаах сибэккилэри уурдулар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети